8-нҗи бөлүм

Мукаддес Язгыларда айдыланлар ерине етйәр

Мукаддес Язгыларда диңе бир болан вакалар гүррүң берилмейәр. Онда гелеҗекде болҗак вакалар хем айдыляр. Адамлар болҗак затлары өңүнден айдып билмейәр. Бу Мукаддес Язгыларың Худайдандыгыны аңладяр. Онда гелеҗек барада нәмелер айдылярка?

Онда Худайың этҗек улы сөвеши барада айдыляр. Шол сөвешде Худай ер йүзүни әхли эрбетликден ве эрбет адамлардан арассалап, өзүне гуллук эдйән адамлары халас эдер. Худайың беллән патышасы Иса Месих олар барада алада эдер. Олар инди парахат хем багтлы яшап, хич хачан кеселлемез ве өлмез.

Эйсем, Худайың ер йүзүнде ене-де Җеннет этҗекдиги бегендирмейәрми? Эмма Җеннетде яшамак үчин бизем кәбир затлары этмели. Китабың соңкы хекаясындан нәме этмелидигимизи билерис. Шонуң үчин СЕКИЗИНҖИ бөлүми окап, Мукаддес Язгыларың гелеҗек барада айдян затларыны билерис.