3-нҗи бөлүм

Мүсүр азатлыгындан Ысрайылың илкинҗи патышасына ченли

Муса ысрайыллылары Мүсүр есирлигинден чыкарып, Сина дагына элтди. Ол ерде Худай ысрайыллылара канун берди. Шондан соң Муса он ики адамы Кенган юрдуны барламага иберди. Йөне оларың онусы Кенган юрды барада говы хабар гетирмеди. Шонуң үчин халкың Мүсүре доланасы гелди. Иманының азлыгы үчин Худай ысрайыллылара темми берди ве кырк йыллап чөлде гезмәге меҗбур этди.

Ахыры ысрайыллылары Кенган юрдуна гиризмек үчин Ешув сайланды. Ехова олара юрды басып алмага көмек этмек үчин, гудратлар гөркезди. Ол Иорданың акымыны тогтадяр, Эриханың диварларыны юмуряр, гүнузын Гүни саклаяр. Ахыры алты йылдан соң, кенганлыларың юрды басылып алыняр.

Ешувдан башлап, 356 йылың довамында Ысрайыл халкыны казылар доландыряр. Биз оларың көпүси билен, ягны Барак, Гидеон, Ефтах, Шимшон ве Самуел билен танышарыс. Шейле-де биз Рахав, Дебора, Яел, Рут, Наоми ве Делиле ялы аяллар барада окарыс. Умуман, ҮЧҮНҖИ бөлүм 396 йылың тарыхыны өз ичине аляр.