36-нҗы хекая

Алтын гөле

ВАХ, бу адамлар нәме эдйәркә? Гөлә йүзленип дога эдйәрлер! Нәме үчин?

Муса көп вагтлап дагдан дүшмейәр. Шонда халк: «Муса нәме боланыны билемизок. Шонуң үчин гелиң, бизи бу юртдан алып чыкҗак таңры ясалың» диййәр.

— Боляр — дийип, Мусаның доганы Харун разы боляр. Ол: «Гулагыңыздакы алтын гулакхалкалары чыкарып, маңа гетириң» диййәр. Халк гулакхалкаларыны гетиренде, Харун олары эредип, ондан алтын гөле ясаяр. Халк болса: «Ынха, бизи Мүсүрден чыкаран Худайымыз!» диййәр. Соңра ысрайыллылар улы байрамчылык эдип, алтын гөлә сежде этдилер.

Ехова муны гөрүп гаты гахарланяр. Ол Муса: «Тизрәк ашак дүш. Халк улы гүнә эдйәр. Ол мениң канунларымы унудып, алтын гөлә сежде эдйәр» диййәр.

Муса деррев дагдан дүшйәр. Ол халкың алтын гөләниң дашында айдым айдып, танс эдйәнини гөрйәр. Муса гахарындан яңа текиз дашың икисини-де ере зыңяр, олар хем чым-пытрак боляр. Соңра ол алтын гөләни эредип, галындысыны болса күле совуряр.

Халк улы эрбетлик этди. Шонуң үчин Муса бирнәче адама элине гылыч алмагы буюряр. Ол: «Алтын гөлә сежде эден ярамаз адамлары өлдүриң» дийип буйрук берйәр. Оларың элинден үч мүң адам өлйәр! Бу вака бизе Еховадан башга ялан таңрылара сежде этмели дәлдигини өвретмейәрми нәме?

Чыкыш 32:1—35.