49-нҗы хекая

Гүн сакланяр

ЕШУВА серет. Ол: «Эй, Гүн саклан!» диййәр. Ол хем сакланяр. Узаклы гүнүң довамында ол ал-асманда дуряр. Муны Ехова этди. Йөне гел, гүнүң ягтылыгының Ешува нәме үчин герек боландыгыны билели.

Кенган юрдуның бәш саны эрбет патышасы гибеонлыларың үстүне чозанда, олар көмек сорап Ешувың янына адам ёллаяр. Ол: «Даглык юрдуның бәш патышасы сениң хызматкәрлериң билен сөвешмәге гелди. Тиз гел-де, бизи халас эт!» дийип, ялбаряр.

Ешув гошуны билен деррев көмеге уграяр. Олар узак гиҗе йөрүш этдилер. Олар Гибеона геленде, бәш патышаның эсгерлери горкуп, гачып башлаярлар. Шонда Ехова гөкден гүйчли даш ягдыряр. Дашдан өлен эсгерлер, Ысрайыл эсгерлериниң өлдүренинденем кәнди.

Ешув басым гүн яшып гараңкы дүшенде, бәш саны эрбет патышаның эсгерлериниң гачҗагыны билйәрди. Шонуң үчин Ешув Ехова дога эдйәр ве: «Эй, Гүн саклан!» диййәр. Гүн саклананы үчин, ысрайыллылар еңиш газаняр.

Кенганда Худайың халкыны йигренйән башга-да эрбет патышалар барды. Бу ериң 31 саны патышысыны еңмек үчин Ешува ве онуң гошунына алты йыла голай вагт герек болды. Еңишден соң болса, Ешув Кенган юрдуны хениз ери болмадык тайпалара пайлаяр.

Бирнәче йылдан Ешув 110 яшында арадан чыкяр. Ешув ве онуң достлары дирикә, халк Ехованы диңлейәрди. Эмма бу говы адамлар арадан чыкансоң, халк эрбетлик эдип башлаяр, шонуң үчинем оларда кынчылык дөрейәр. Шонда халка Худайың көмеги герек боляр.

Ешув 10:6—15; 12:7—24; 14:1—5; Казылар 2:8—13.