50-нҗи хекая

Ики батыргай аял

ЫСРАЙЫЛЛЫЛАР кын гүне дүшенлеринде ахы-нала билен Ехова дога эдйәрлер. Ехова олара көмек этмек үчин батыргай сердарлары ёллаяр. Мукаддес Язгыларда олара казы дийилйәр. Илкинҗи казы Ешувды, ондан соң Отниел, Эхуд ве Шамгар казы болды. Йөне Ысрайыл халкына көмек эдйән ики аялың ады болса, Дебора билен Яел.

Дебора пыгамберди. Ехова оңа гелеҗекде болҗак затлары айдярды, ол хем Ехованың сөзлерини халка етирйәрди. Дебора казылык хем эдйәрди. Ол дагда хурма агаҗының ашагында отурярды, адамлар болса онуң янына көмек сорап гелйәрдилер.

Шол вагт Кенганда Ябин патыша боляр. Онуң 900 саны харбы арабасы барды. Ябиниң гошуны гаты гүйчлүди, шонуң үчинем ысрайыллыларың көпүси онуң гулы болмага меҗбур болдулар. Гошун ёлбашчысының ады болса Сисерады.

Бир гезек Дебора Барак казының ызындан адам ёллап, оңа: «Ехова саңа: «10 мүң саны адам билен Табор дагына чык. Мен болса ол ере Сисераны элтерин. Сен оны еңерсиң» дийди» диййәр.

Барак Дебора: «Эгер-де сен гитсең, менем гидерин» диййәр. Дебора Барак билен гидйәр. Эмма ол Барага: «Еңши сен газанмарсың, себәби Ехова Сисераны аял машгаланың эли билен өлдүрер» дийди. Дебораның айдышы ялы-да болды.

Барак Табор дагындан ашак дүшүп, Сисераның гошунының өңүнден чыкяр. Ол ери Ехова дуйдансыз сув алдыряр ве душман гошунының көпүси гарк боляр. Йөне Сисера арабадан бөкүп гачяр.

Бирнәче вагтдан Сисера Яелиң чадырының янына баряр. Яел Сисераны чадырына чагырып, ичмәге сүйт берйәр. Шондан соң онуң укусы тутуп, сүйҗи ука гидйәр. Шонда Яел чадырың газыгыны алып, бу эрбет адамың келлесине сокяр. Хачан-да Барак геленде Яел оңа Сисераның өлүсини гөркезйәр! Гөрйәңми, Дебораның велилиги ерине етди.

Ахырсоңы Ябин атлы патышаны хем өлдүрйәрлер, шейдип ене-де ысрайыллылар бирнәче вагтлап ховпсузлыкда яшаяр.

Казылар 2:14—22; 4:1—24; 5:1—31.