34-нҗи хекая

Тәзе иймит

ЫСРАЙЫЛЛЫЛАРЫҢ ерден нәме йыгнаяныны билйәңми? Ол гырава меңзеш, ак реңкли, овнук ве пытрап дуран затды. Эмма бу гырав дәл-де, ийилйән затды.

Ысрайыллыларың Мүсүрден чыканына яңы бир ай болупды. Инди олар чөлдеди. Бу ерде ийилйән өсүмлигиң азлыгы үчин: «Ехова бизи Мүсүрдекәк нәме үчин өлдүрмеди? Ол ерде биз ислән задымызы иййәрдик» дийип зейрендилер.

Шонда Ехова: «Мен сизе гөкден иймит берерин» дийип вада берйәр. Ехова шейле хем эдйәр. Эртеси ирден ысрайыллылар бу ак зады гөрүп: «Бу нәме?» дийип гең галярлар.

— Бу иймити сизе Ехова берйәр — дийип, Муса дүшүндирди. Адамлар оны МАННА дийип атландыряр. Онуң тагамы баллы чөрегиң тагамы ялыды.

— Ийип билҗегиңизи йыгнаң — дийип, Муса халка буюрды. Олар хер гүн ирден шейле эдйәрдилер. Соңра гүн гызып башланда, ерде галан манна эрейәрди.

Шейле-де Муса: «Маннаны эртире гоймаң» диййәр. Эмма кәбир адамлар гулак асмаяр. Шонда нәме боланыны билйәңми? Эртире галан манна гурчуклап ысланяр!

Йөне Ехова хепдәниң бир гүни, ягны алтынҗы гүни маннаны хемишекиден ики эссе көп йыгнамагы халка буюрды. Ехованың дүшүндирмегине гөрә, ысрайыллылар маннаның ярысыны эртирки гүне гоймалыдылар. Себәби манна единҗи гүн ягмаярды. Ине, единҗи гүне гойлан манна гурчукламады хем ысланмады! Бу ене-де бир гудрат!

Ехова ысрайыллылары чөлде манна билен иймитлендирйәр.

Чыкыш 16:1—36; Санлар 11:7—9; Ешув 5:10—12.