57-нҗи хекая

Худай Давуды сайлаяр

БУ ЕРДЕ нәме боланыны гөрйәңми? Огланҗык гузыны айыдан халас эдйәр. Айы гузыны әкидип, ийҗек боляр. Эмма огланҗык айының ызындан етип, онуң пенҗесинден гузыны халас эдйәр. Айы дикеленде, огланҗык оны бир уранда өлдүрйәр! Башга бир гезек ол гойны ёлбарсдан халас этди. Нәхили батыр оглан, шейле дәлми? Онуң кимдигини билйәңми?

Бу етгинҗек огланың ады Давут. Ол Бейтуллахам шәхеринде яшаяр. Онуң атасы Рут билен Боазың оглы Обед. Оларың кимдиги ядыңдамы? Давудың какасының ады Ессе. Давут какасының гоюнларыны бакяр. Ехова Саулы патыша белләнден он йыл гечен соң, Давут догуляр.

Бир гүн Ехова Самуеле: «Үйтгешик ягы алып, Бейтуллахамдакы Ессәниң өйүне бар. Мен онуң бир оглуны патыша эдип сайладым» диййәр. Самуел Ессәниң улы оглы Элиабы гөренде: «Ехова шуны сайландыр» диййәр. Эмма Ехова: «Онуң боюна ве сыратына серетме. Мен оны патыша эдип сайламадым» диййәр.

Шонда Ессе Аминадаб атлы оглуны чагырып, Самуелиң янына гетирйәр. Эмма Самуел: «Ехова муны-да сайламады» диййәр. Соңра Ессе Шамах атлы оглуны гетирйәр. Самуел: «Ёк, Ехова муны-да сайламады» диййәр. Ессе Самуелиң янына ызлы-ызына еди оглуны гетирйәр. Йөне Ехова оларың бирини-де сайламаяр. Самуел: «Бу сениң огулларың барысымы?» дийип сораяр.

Ессе: «Ене-де бир оглум бар, иң кичиси. Йөне ол хәзир ёк, гоюн бакяр» диййәр. Самуелиң янына Давут атлы якымлы йигиди гетирйәрлер. Ехова: «Ынха, ол. Онуң башына яг гуй» дийип гөркезйәр. Самуел шейле хем эдйәр. Йөне Давут Ысрайылың патышасы болянча, арадан бирнәче вагт гечмелиди.

1 Патышалар 17:34, 35; 16:1—13.