2-нҗи хекая

Аҗайып баг

БУ ЕРИҢ нәхилидигини бир гөрсене! Хемме зат дийсең овадан! Отлара, агачлара, гүллере ве әхли хайванлара сын эт. Сен бу ерден ёлбарс билен пили тапып билермиң?

Бу аҗайып баг ниреден пейда болдука? Онда нәме, гел, Худайың бизиң үчин ери нәдип тайярланыны билели.

Илки билен, ол ер йүзүни гөк отлар билен өртди. Соңра улы болмадык энчеме өсүмликлери, гырымсы агачлары ве мивели агачлары яратды. Шейдип ер йүзи гөзеллиге өврүлди. Йөне оларың башга-да берйән пейдасы бар. Оларың көпүси өрән тагамлы миве гетирйәр.

Соңра Худай сувы балыклардан долдурды ве асманда учян гушлары яратды. Шейле-де, ол пишиклери, итлери, атлары ве улы-кичи хайванлары яратды. Сениң яшаян ериңде нәхили хайванлар бар? Худайың биз үчин эден әхли затларына бегенмейәрисми нәме?

Шондан соң Худай ер йүзүниң бир бөлегини үйтгешик баг эдип, оны Эрем багы дийип атландырды. Ол багың хич кеми ёкды. Хемме зат аҗайыпды. Худай бүтин ер йүзүниң хем шу баг ялы аҗайып болмагыны иследи.

Суратдакы бага ене-де бир гезек гөз айла. Худайың пикириче, багда нәме етенок? Гел, билели.

Барлык 1:11—25; 2:8, 9.