Иса Месих гышда догулдымыка?

МУКАДДЕС ЯЗГЫЛАРДА Иса Месихиң доглан гүни барада айдылмаса-да, Худайың Сөзүнден онуң гышда догулмандыгыны билип боляр.

Иса Бейтуллахам шәхеринде догланда хова нәхилиди? Еврейлериң календары боюнча кислев (Санҗар — Битараплык [ноябрь — декабрь]) айында, аслында, ягышлы совук хова боляр. Ондан соң тебет (Битараплык — Түркменбашы [декабрь — январь]) айы гелйәр. Бу ай — йылың иң совук айы. Яхуданың даглык ерлеринде болса гар болярды. Ол ериң ховасы барада Мукаддес Язгыларың нәме диййәнини билели.

Эзраның китабындан гөрнүши ялы, догруданам, кислев айы ягышлыды ве совукды. Эзра «докузынҗы [кислев] айың йигримисине» халкың Иерусалимде йыгнанандыгыны айдяр. Ол ерде адамлар мейданда «ягышдан... яңа сандырап» шейле дийдилер: «Хәзир ягышлы хова, дашарда дурмага-да ягдай ёк» (Эзра 10:9, 13; Еремия 36:22). Диймек,  чопанларың сүрүлери билен гышда нәме үчин гиҗелерине мейданда галмаяны дүшнүкли.

Эмма Мукаддес Язгыларда Исаның доглан гиҗеси чопанларың сүрүлери билен мейданда боландыгы айдыляр. Хош хабарчы Лука Бейтуллахамың голайында чопанларың «гиҗелерине дүзде галып, сүрүлерини» гораяндыгыны айдяр (Лука 2:8—12). Чопанлар мейдана диңе гүндизине гелмән, шол ерде яшаярды. Оларың сүрүси гиҗелерине мейданда галярды. Гышың совук ве ягышлы гүнлери чопанлар дүзде яшармыды? Элбетде, ёк. Мукаддес Язгылардакы хабарлар Исаның гышда догулмандыгына гүвә гечйәр *.

Мукаддес Язгыларда Исаның өлен гүни барада айдылса-да, онуң доглан гүни барада анык айдылмаяр. Сүлейман патышаның: «Ягшы ат говы ягдан, адамың өлен гүни болса, доглан гүнүнден говудыр» диен сөзлери ядыңа дүшйәр (Вагызчы 7:1). Шонуң үчин Мукаддес Язгыларда Исаның гуллук эдиши ве өлүми барада җикме-җик айдылса-да, онуң доглан гүни барада маглумат аз.

[Чыкгыт]

[221 Сахыпадакы сурат]

Исаның доглан гиҗеси чопанлар сүрүлери билен дүздеди