Иса пыгамбер — вада эдилен Месих

МЕСИХ дийилйән Халасгәри танатмак үчин, Ехова Худай Мукаддес Язгыларда онуң доглушы, гуллугы ве өлүми барада җикме-җикликлери өңүнден яздыртды. Бу пыгамберликлериң хеммеси Иса Месихде җикме-җик ве догры ерине етди. Муңа гөз етирмек үчин, Иса Месихиң доглушы ве онуң чагалык дурмушы хакдакы кәбир пыгамберликлере середелиң.

 Ишая пыгамбер Месихиң Давудың неслинден догулҗагыны айтды (Ишая 9:7). Билшимиз ялы, Иса онуң неслинден хем догулды (Матта 1:1, 6—17).

Мика пыгамбер болса, гелҗекки хөкүмдарың «Бейтуллахам-Эфрат» шәхеринде догулҗагыны айтды (Мика 5:2). Иса догланда, Ысрайылда Бейтуллахам атлы  ики шәхер барды. Оларың бири юрдуң демиргазыгында, Насыра шәхериниң голайында ерлешйәрди. Бейлекиси болса, Яхудада Иерусалимиң голайында ерлешйәрди. Оңа өңлер Эфрата дийилйәрди. Иса шол шәхерде-де догулды. Шейдип, Миканың пыгамберлиги ерине етди (Матта 2:1).

Мукаддес Язгыларың бейлеки пыгамберлигинде, Худай Оглуны «Мүсүрден чагырды» дийилйәр. Иса чагака Мүсүре әкидилди. Хиродес патыша өленден соң, оны Мүсүрден гетирдилер. Шейдип, пыгамберлик ерине етди (Хошеа 11:1; Матта 2:15).

 200-нҗи сахыпадакы таблицаның икинҗи хатарында Месихе дегишли пыгамберликлериң аятлары бар. Үчүнҗи хатарда оларың ерине етендигини гөркезйән аятлар ерлешйәр. Гайрат эт-де, шол аятлары деңешдирип гөр. Бу сениң иманыңы хас-да беркидер ве Худайың Сөзүне ынамың артар.

Икинҗи хатардакы аятлар Иса Месих догулмазындан, йүзлерче йыл өң язылды. Исаның өзи: «Мен хакда Мусаның Канунында, пыгамберлериң язгыларында, Зебурда языланларың бары берҗай болмалыдыр» дийди (Лука 24:44). Мукаддес Язгылары өвренсең, пыгамберликлериң хеммесиниң җикме-җик ерине етендигине гөз етирерсиң.

[200 Сахыпадакы диаграмма]

 МЕСИХЕ ДЕГИШЛИ ПЫГАМБЕРЛИКЛЕР

ВАКА ПЫГАМБЕРЛИК ЕРИНЕ ЕТИШИ

Яхуда тайпасындан Барлык 49:10 Лука 3:23—33

Гыздан доглар Ишая 7:14 Матта 1:18—25

Давут патышаның

несли Ишая 9:7 Матта 1:1, 6—17

Ехова оңа

«Оглум» диер Зебур 2:7 Матта 3:17

Адамлар оңа иман

этмез Ишая 53:1 Яхя 12:37, 38

Иерусалиме тайхарлы

гелер Зекеря 9:9 Матта 21:1—9

Оңа якын досты

хайынлык эдер Зебур 41:9 Яхя 13:18, 21—30

30 күмүш пула

сатылар Зекеря 11:12 Матта 26:14—16

Айыпланларында

хич бир җогап бермез Ишая 53:7 Матта 27:11—14

Биҗе атышып

эгин-эшигини өзара

пайлашарлар Зебур 22:18 Матта 27:35

Пүрсдекә үстүнден

гүлүп масгараладылар Зебур 22:7, 8 Матта 27:39—43

Онуң хич бир сүңки

дөвүлмез Зебур 34:20 Яхя 19:33, 36

Бай адамың

мазарында җайланды Ишая 53:9 Матта 27:57—60

Чүйремән, дирелер Зебур 16:10 Ресулларың ишлери 2:24, 27

Бейгелип, Худайың

сагында отурар Зебур 110:1 Ресулларың ишлери 7:56