Биз Ехова барада адамлара гүррүң беренимизде, олар кәте бизиң үстүмизден гүлйәрлер я-да оларың гахары гелйәр. Шейле ягдайда бизиң Худай барада гүррүң бересимиз гелмезлиги мүмкин. Кәвагт сенде-де шейле болярмы? ~ Мукаддес Язгыларда Ехованы сөййән яш оглан барада айдыляр. Онуң ады Ермея. Бир гезек ол Ехова барада гүррүң бермегини гойҗак боляр. Гел, ол барада көпрәк билели.

Ермея яш огланка, Ехова оңа бир табшырык берйәр. Ол адамлара эрбет ишлерини гоймакларыны айтмалыды. Ермея муны этмек өрән кынды, себәби ол адамлардан горкярды. Ол Ехова шейле диййәр: «Мен нәме дийҗегими билемок. Мен хениз яш оглан ахырын». Эмма Ехова оңа: «Сен горкма, мен саңа көмек эдерин» диййәр.

 Шол себәпли Ермея адамлара эрбет ишлерини гоймасалар, Худайың олары җезаландырҗакдыгыны айдяр. Сениң пикириңче, адамлар Ермеяны диңледилерми? ~ Ёк, олар диңлемедилер. Гайтам, олар онуң үстүнден гүлүп, оңа өрән гахарландылар. Хатда кәбирлери оны өлдүрҗек болдулар! Сениң пикириңче, Ермея өзүни нәхили дуйдука? ~ Ол горкуп: «Инди мен Ехова барада хич зат айтмарын» диййәр. Ол хакыкатданам шейле этдими? ~ Ёк, бейле этмеди. Ол Ехованы сөййәрди, шонуң үчин Худай барада гүррүң бермегини довам этди. Шонуң үчин Ехова оны халас этди.

Бир гезек эрбет адамлар Ермеяны тутуп, палчыклы гуя ташлаярлар. Ол ерде иймитем, сувам ёкды! Шол адамлар Ермеяның гуйының ичинде өлмегини иследилер. Эмма ол Ехованың көмеги билен халас болды!

Сен Ермеядан нәме өвренип билерсиң? ~ Ол кәвагт адамлардан горкса-да, Ехова барада гүррүң бермегини довам этди. Сен хем Ехова барада адамлара гүррүң берениңде, олар сениң үстүңден гүлмеклери я-да гахарланмаклары мүмкин. Шейле ягдайда сениң хем чекинмегиң, хатда горкмагыңам мүмкин. Эмма сен Ехова барада гүррүң бермеги хич хачан гойма. Ол Ермея көмек эдиши ялы саңа-да хемише көмек эдер!