Grek dilinden terjime edilen «ýygnak» diýen söz Mukaddes Kitapda ýygnanyşylýan ýeri däl-de, sežde edýän adamlaryň toparyny aňladýar.

 Meselem, Pawlus resul Rimdäki mesihçilere ýazan hatynda Akila we Priska salam ýollap: «Olaryň öýündäki ýygnaga salam aýdyň» diýdi (Rimliler 16:5). Pawlus bir ýere ýa-da jaýa däl-de, öýde ýygnanyşan adamlara salam ýollaýar. a

 Şol sebäpli biz sežde edýän ýerlerimize buthana däl-de, «Ýygnak jaýy» diýip atlandyrýarys.

 Munuň azyndan iki sebäbi bar:

•   Biz ol ýerde Mukaddes Kitabyň awtory Ýehowa Hudaýa sežde edýäris we ol barada şaýatlyk edýäris (Zebur 83:18; Işaýa 43:12).

•   Hudaýyň Patyşalygy barada öwrenýäris, ol barada Isa pygamber hem köplenç gürrüň berýärdi (Matta 6:9, 10; 24:14; Luka 4:43).

 Biz sizi golaýyňyzdaky Ýygnak jaýyna barmaga we Ýehowanyň Şaýatlarynyň ýygnaklarynyň nädip geçirilýändigini görmäge çagyrýarys.