Wagyz işi üçin edilýän çykdajylar Ýehowanyň Şaýatlarynyň a berýän pul sadakalarynyň hasabyna ödelýär. Pul sadakalary Ýygnak jaýlaryndaky gutulara atyp bolýar ýa-da saýtymyzdaky «Sadaka» bölüminde berlen görkezmeler arkaly berip bolýar. Ýöne her bir adam göwnünden çykarany berip bilýär. Islese bütindünýä işini goldap bilýär ýa-da ýaşaýan ýerindäki ýygnagy. Ýa-da bularyň ikisini-de goldap biler.

 Ýehowanyň Şaýatlaryndan belli bir möçberde pul bermek ýa-da girdejisiniň ondan bir bölegini bermek talap edilmeýär (2 Korinfliler 9:7). Ýygnak duşuşyklaryna barmak üçin pul tölenmeýär we sadaka ýygnalmaýar. Şeýle-de suwa çümdürilmek, merhumy jaýlamak, toý tutmak ýa-da başga dini çäreler üçin pul alynmaýar. Biz näzi-nygmatlar bişirip, söwda-satyk etmek üçin sergi gurnap we lotereýa utuşlaryny, dini baýramçylyklary ýa-da oturylyşyklary gurnap, pul ýygnamaýarys. Sadaka berýänleriň ady arşa çykarylmaýar we olar hakda maglumat berilmeýär (Matta 6:2—4). Guramamyzyň saýtynda we edebiýatlarynda mahabatlar (reklama) edilmeýär.

 Ýehowanyň Şaýatlarynyň geçirýän ýygnak duşuşyklarynda berlen sadakalar we çykdajylar hakda her aý hasabat aýdylýar. Hasabaty hemmeler diňläp bilýär. Ýygnak üçin berilýän pul sadakalaryň nämelere sarp edilýändigini şol hasabatlardan bilse bolýar (2 Korinfliler 8:20, 21).

•   Pul atylýan gutular. Siz pul sadakalaryny nagt ýa-da çek arkaly berip bilersiňiz. Ýygnak jaýyndaky, Kongresler köşgündäki ýa-da duşuşyklaryň geçirilýän ýerlerindäki ýörite gutulara pul atyp bilersiňiz.

•   Saýt arkaly. Köp ýurtlarda saýtymyzdaky «Sadaka» diýen bölümiň üsti bilen, kredit ýa debit kartyndan, bank hasabatyndan ýa-da başga elektron görnüşden pul sadakany berip bolýar b. Käbir Şaýatlar her aý bermek üçin niýetlän «puluny süýşürip goýup», şu usullaryň biri arkaly pul sadakasyny berýärler (1 Korinfliler 16:2).

•   Öňünden niýetlenen sadakalar. Käbir sadakalary bermek üçin öňünden oýlanmaly ýa-da adwokat bilen maslahatlaşmaly bolýar. Belki-de, şonda ýurduňyzdaky salgytlaryň käbir ýeňilliklerinden peýdalanyp bilersiňiz. Adam dirikä ýa-da aradan çykansoň hem wesýetnama arkaly sadaka berip bolýandygy baradaky maglumat köpleri üçin peýdaly boldy. Siz hem ýaşaýan ýeriňizdäki Ýehowanyň Şaýatlarynyň filialy bilen habarlaşyp, şu aşakdaky usullaryň biri arkaly sadaka berip bilersiňiz:

  •   bank hasaby

  •   ömrüňi ýa pensiýaňy ätiýaçlandyryş şertnamasy

  •   gozgalmaýan emläk

  •   aksiýalar we gymmatly kagyzlar

  •   wesýetnama we emlägiňi dolandyrmak şertnamasy

 Ýaşaýan ýeriňizde sadakany nähili usullar bilen berip bolýandygy hakda köpräk bilmek isleseňiz, saýtymyzyň «Sadaka» bölümini okaň.