OÝA BOLUŇ!
2022 ýyl — galagoplyk ýyly. Mukaddes Kitapda näme diýilýär?
2022-nji ýylda gözümiziň göreni, gulagymyzyň eşideni uruşlar, ykdysady kynçylyklar we tebigy betbagtçylyklar hakdaky habarlar boldy. Şu wakalaryň esasy sebäbini diňe Mukaddes Kitapdan bilse bolýar.
2022-nji ýylda bolan wakalaryň esasy sebäbi
Şu ýyl bolan wakalar Mukaddes Kitapda aýdylyşy ýaly, «soňky günlerde» ýaşaýandygymyzy subut edýär (2 Timoteos 3:1). Soňky günler 1914-nji ýylda başlady. Geliň, bolan wakalar arkaly Mukaddes Kitapdaky pygamberlikleriň ýerine ýetişini göreliň.
«Uruşlar» (Matta 24:6).
«2022 ýyl Ýewropa üçin elhenç uruş ýyly boldy» a.
«Russiýa Ukraina hüjüm edýär» diýen makalany okaň.
«Açlyk» (Matta 24:7).
«2022 ýyl — açlyk ýyly» b.
«Ukrainadaky uruş bütin dünýä açlyk getirdi» diýen makalany okaň.
«Gyrgynçylyk» (Luka 21:11).
«Poliomiýelit, maýmyn mama we COVID-19 keselleriň ýaýramagy ýokanç keselleriň ölüm howpludygyny we adamzadyň şol keselleriň öňüni alyp bilmeýändigini subut etdi c.
«6 million adamyň ölümi» diýen makalany okaň.
«Gorkunç zatlar» (Luka 21:11).
«Howanyň aşa gyzmagy, gurakçylyk, tokaý ýangynlary we suw joşgunlary. 2022-nji ýylyň tomus aýlarynda köp adamlaryň ýadyndan çykmajak wakalar boldy. Howanyň üýtgemegi sebäpli käbir ýerler ýykan-ýumran boldy, millionlarça adamlar öýsüz galdy we müňlerçe adam aradan çykdy» d.
«Bütin dünýäde howanyň aşa gyzmagy» diýen makalany okaň.
«Gozgalaňlar» (Luka 21:9).
«Ykdysady kynçylyklar we bahalaryň gün-günden galmagy sebäpli adamlaryň hökümete garşy turuzýan gozgalaňlary öňki ýyllara garanyňda hasam artdy» e.
«Dünýä bazarlarynda gymmatçylyk» diýen makalany okaň.
Indiki ýyl bize näme garaşýar?
2023-nji ýylda nämeleriň boljakdygyny hiç kim aýdyp bilmeýär. Ýöne biz bir zady anyk bilýäris, Hudaýyň Patyşalygy tizden ýer ýüzünde uly özgerişleri eder (Danyýar 2:44). Şol Patyşalyk adamzadyň ähli kynçylyklaryny aradan aýryp, ýer ýüzünde Hudaýyň islegini amala aşyrar (Matta 6:9, 10).
Geliň, Isa pygamberiň aýdyşy ýaly «oýa bolalyň» we Mukaddes Kitapdaky pygamberlikleriň ýerine ýetişine ünsli bolalyň (Markus 13:37). Mukaddes Kitapdaky sözleriň size we maşgalaňyza nädip kömek edýändigini hem-de gelejege nähili umyt berýändigini bilesiňiz gelse, biziň bilen habarlaşyň.
a «2022 ýyl Ýewropa üçin elhenç uruş ýyly boldy» (Jill Lowlles, «AP Habarlary», 8-nji dekabr, 2022).
b «Ýer ýüzündäki açlyk» («Bütindünýä azyk maksatnamasy»).
c «Keselçilik eýýamy — COVID-19, maýmyn mama, poliomiýelit, beýleki keseller. (Lowrens O. Gostin, JD, «JAMA Saglyk gurultaýy», 22-nji sentýabr, 2022).
d «2022-nji ýylyň tomus aýlarynda bolan tebigy hadysalaryň sebäbi» (Martina Igini, «Ýer» guramasy, 24-nji oktýabr, 2022).
e «2022-nji ýylyň ykdysady kynçylyklary gozgalaňlary oýarýar» (Tomas Karozers we Benjamin Feldman, «Halkara parahatçylyk ugrunda Karnegi gaznasy», 8-nji dekabr, 2022).
You May Also Like
MUKADDES KITABA DEGIŞLI SORAGLARYŇ JOGABY
«Dünýäniň soňunda» nämeler bolar?
Mukaddes Kitapda soňky günleriň alamatlarynyň birwagtda, yzly-yzyna boljakdygy aýdylýar.
ESSENTIAL BIBLE TEACHINGS
Hudaýyň Patyşalygy näme?
Isa ýer ýüzünde gulluk edende, esasan, Hudaýyň Patyşalygy barada öwredýärdi. Asyrlarboýy onuň şägirtleri şol Patyşalygyň gelmegi barada doga edýärler.
MUKADDES KITABYŇ ESASY TAGLYMATLARY
1914-nji ýyldan bäri Patyşalyk höküm sürýär
Hudaýyň 2 600 ýyl mundan öň güýçli patyşa barada ýazdyran pygamberligi häzir ýerine ýetýär.
BIZ BARADA
Mukaddes Kitaby öwretmegi haýyş ediň
Mukaddes Kitap ýa-da Ýehowanyň Şaýatlary barada köpräk biliň.
