Ysraýyldaky ybadathananyň gurluşygy köp zähmeti we çykdajyny talap edýärdi. Muňa garamazdan, ysraýyllylar ybadathananyň gurluşygyny yhlasly goldadylar (1Ýlz 29:2—9; 2Ýlz 6:7, 8). Ybadathananyň gurluşygy tamamlanandan soň, ysraýyllylar onuň abat saklanmagynyň aladasyny etmelidiler. Şeýdip, olar ruhy taýdan arassa galyp bilerdi (2Pat 22:3—6; 2Ýlz 28:24; 29:3). Şu günlerem mesihçiler Patyşalyk ýa-da Kongres zallaryny gurmak, arassalamak we abatlamak işine köp wagtyny hem güýjüni sarp edýärler. Ýehowa öz halkyna bu işde üstünlik gazanmaga kömek edýär. Dogrudan-da, biz dogan-uýalar bilen eginme-egin zähmet çekmegi uly hormat saýýarys we bu işe gatnaşmagy mukaddes gullugymyzyň wajyp bölegi hasaplaýarys (Zb 127:1; Ylh 7:15).

• Her duşuşykdan soň, zatlary ýerbe-ýer goýup goldap bileris. Eger siziň mümkinçiligiňiz çäkli bolsa, onda diňe öz oturan ýeriňizi arassalap bilersiňiz.

• Patyşalyk zalyny arassalamak we abatlamak işine gatnaşyp goldap bileris. Hawa, eginme-egin zähmet çekmeklik bu işden şatlyk we kanagat tapmaga ýardam edýär (lv sah. 105, abz. 18).

• Meýletin sowgatlary berip, goldap bileris. Ýehowa hatda ýürekden berlen «ikije teňňäni» hem höwes bilen kabul edýär (Mr 12:41—44).

• Gurluşyk we abatlaýyş işine gatnaşyp goldap bileris. Biz gurluşyk işinde tejribämiz bolmasa-da, oňa gatnaşyp, goşandymyzy goşup bileris.