Agyr muşakgatyň golaýlap gelýändigi üçin, wagyz işi gaýragoýulmasyzdyr (Sült 24:11, 12, 20). Biz adamlara kömek edip, olaryň ünsüni Hudaýyň Sözüne hem-de web-saýtymyza gönükdirer ýaly, jw.org kartoçkasyny ulanyp bileris. Kartoçkadaky kod arkaly «Mukaddes Ýazgylary öwrenmegiň näme peýdasy bar?» diýen wideony görüp we Mukaddes Ýazgylar okuwyny geçmek hem-de has köp maglumat bilmek üçin çakylyklary tapyp bolýar. Käbir adamlar biziň edebiýatlarymyzy almasalaram, saýtymyza höwes bilen girýärler. Şol sebäpli olara bu kartoçkany arkaýyn berip bilersiňiz. Emma gyzyklanmadyk adamlara kartoçkany bermäň.

Öz işleriňiz bilen bir ýere gideniňizde, wagyz etmek üçin gürrüňdeşligi şeýle başlap bilersiňiz: «Men size şu kartoçkany berjekdim. Bu size saýtymyza girmäge kömek eder. Siz ol ýerden her dürli maglumatlary tapyp hem-de wideolary mugtuna görüp bilersiňiz» (Ýah 4:7). Kartoçka kiçijik bolany üçin, onuň birnäçesini ýanyňyzda göterseňiz, mümkinçilik dörände, adamlara berip bilersiňiz.