Öň edebiýatlarymyzda hristian dünýäsi dönük Iýerusalime meňzedilýärdi. Dogrudanam, Iýerusalimdäki ýaly, hristian dünýäsinde-de butparazlyk we azgynlyk edilýär. Emma indi Mukaddes Kitapda esas bolmasa, edebiýatlarymyzda, hatda şu kitapda-da pygamberlikler bir zada meňzedilip düşündirilmeýär. Mukaddes Kitapda hristian dünýäsini Iýerusalime meňzetmäge esas barmy? Ýok.

Oýlanyp görüň, geçmişde Iýerusalim şäheri arassa seždäniň merkezidi. Emma soň şäheriň ilaty Hudaýdan ýüz öwürýär. Hristian dünýäsi bolsa hiç haçan Hudaýa arassa sežde etmeýärdi. Ol IV asyrda döredi, şondan bäri diňe ýalan taglymatlary öwredip gelýär.

Şeýle-de wawilonlylar Iýerusalimi weýran edensoň, Ýehowa halkyna rehim edip, şäheri dikeldýär we ol ýene-de arassa seždäniň mekany bolýar. Emma Hudaý hristian dünýäsini hiç haçan goldamaýardy. Hristian dünýäsi uly betbagtçylykda ýok ediler, gaýdyp dikeldilmez.

Onda nähili netijä gelýäris? Mukaddes Kitapdan biwepa Iýerusalim hakdaky pygamberlikleri okanymyzda hristian dünýäsinde-de şeýle işler edilýär diýýändiris. Ýöne Mukaddes Kitapda hristian dünýäsini Iýerusalime meňzetmäge hiç hili esas ýok.