1B ÇARÇUWA
Hyzkyl kitabynyň mazmuny
Hyzkyl kitabyny birnäçe temalara bölse bolýar:
1—3-NJI BAPLAR
B. e. öň 613-nji ýylda Hyzkyl ýehudylar bilen Wawilonda sürgündekä görnüş görýär. Ýehowa oňa Kebar derýasynyň boýunda ýaşaýan ýehudylara pygamberlik etmegi tabşyrýar.
4—24-NJI BAPLAR
B. e. öň 613—609-njy ýyllarda Hyzkyl Iýerusalime we pitneçi hem butparaz halka çykarylan hökümi aýdýar.
25—32-NJI BAPLAR
B. e. öň 609-njy ýylda wawilonlylar Iýerusalimi soňky gezek gabaýar. Hyzkyl Ammonyň, Edomyň, Müsüriň, Mowabyň, Piliştiň, Sidonyň we Tiriň halkyna çykarylan hökümi aýdýar.
33—48-NJI BAPLAR
B. e. öň 606-njy ýylda Hyzkyl ýüzlerçe kilometr uzaklykda haraba bolup ýatan Iýerusalim we ybadathana hakda umyt beriji habary aýdyp başlaýar. Ol Ýehowa Hudaýa edilýän arassa seždäniň dikeldiljegini aýdýar.
Hyzkyl kitabynda wakalar yzygiderli we temalar boýunça ýazylan. Başda Iýerusalimiň we ybadathananyň weýran ediljegi, soňra arassa seždäniň dikeldiljegi pygamberlik edildi. Dikeldiş hakdaky pygamberlikler ybadathanada sežde edilmejegini görkezýärdi.
Hyzkyl Iýerusalime höküm ediljegini we arassa seždäniň dikeldiljegini aýdanda, 25—32-nji baplarda duşman halklara garşy hem pygamberlik edýär. Bir alym duşmanlara çykarylan hökümiň şol baplarda agzalmagynyň ýerliklidigini aýdýar. Hudaý başda halkyna gaharlansa-da, rehimdarlyk edýär. Hudaýyň duşmanlara jeza bermegi halkyna rehimdarlyk edendigini görkezýär.
