Ýermeýa 5:1—31
5 Iýerusalimiň köçelerine aýlanyp çykyň,
Daş-töweregiňize serediň, üns beriň.
Şäher meýdançasyndan*Adalatly we wepaly adamy agtaryň+.Eger ýekejesini tapsaňyz,Men şäheri bagyşlaryn.
2 Olar: «Ýehowa diri şaýatdyr!» diýip,
Ýalan ýere ant içýärler+.
3 Ýehowa, sen wepaly adamlara nazar salýarsyň+.
Halkyňa temmi berdiň, emma sapak edinmediler.
Ýurduny weýran etdiň, ýöne terbiýäňi kabul etmediler+.
Olaryň ýüregi* daşdan beter gatady+,Saňa dolanmak islemedi+.
4 Men öz-özüme diýdim: «Olar düşünjesiz adamlar,
sebäbi olar akylsyzlyk edýärler.Ýehowanyň ýoluny, Hudaýynyň hökümini bilmeýärler.
5 Men ýolbaşçylaryň ýanyna baryp, olar bilen gepleşerin.Olar Ýehowanyň ýoluny, Hudaýyň hökümini bilseler-de+,
Hudaýyň boýuntyrygyny* döwdüler,Zynjyrlaryny üzdüler».
6 Şol sebäpli arslan tokaýdan çykyp, olara topulýar,Sähradaky möjekler olary ýok edýär.Alajabars şäherleriniň töwereginde peýläp ýatýar,Şäherden çykany tüýt-müýt edýär.
Sebäbi olaryň günäleri köpdür,Olar hemişe dönüklik edýärler+.
7 Indi men seni nädip bagyşlaýyn?
Ogullaryň menden ýüz öwürdiler,Butlardan ant içdiler+.
Olaryň aladasyny etsem-de,Zyna etmegini goýmadylar.
Ahlaksyz aýalyň öýüne üýşdüler.
8 Olar mesirgäp, dyzaýan at kimin,Başga biriniň aýalynyň üstüne kişňeýärler+.
9 «Indi olardan hasabat soramarynmy?
Şu milletden arymy almarynmy?+ — Muny Ýehowa aýdýar.
10 Olaryň üzümçiligini weýran ediň,Ýöne doly ýok etmäň+.
Şahalaryny kesip taşlaň,Indi olar Ýehowanyňky däl.
11 Ysraýyl we ýahuda halkyMaňa dönüklik etdiler — muny Ýehowa aýdýar+.
12 Olar Ýehowadan ýüz öwrüp şeýle diýdiler:„Ol bize hiç zat etmez*+,
Hiç hili betbagtçylyk-da,Açlyk-da, söweş-de bolmaz“+.
13 Pygamberleri meniň sözlerimi aýtman,Boş ýere ýaňraýarlar.
Olaryň boş sözleri-de, özleri-de ýok bolarlar».
14 Serkerdebaşy Ýehowa şeýle diýýär:
«Adamlaryň aýdan boş sözleri üçin,Sözümi agzyňda ot kimin ederin+.Halk odundyr,Sözüm olary ýakyp kül eder+.
15 Ysraýyl halky! Siziň üstüňize uzak ýurtdan bir halk çozduraryn+ — muny Ýehowa aýdýar.
Ol millet owaldan bardyr,
Gadymy halkdyr.Onuň diline,Aýdýan sözlerine düşünmersiň+.
16 Olaryň ok gaplary açyk mazar kimindir,Ählisi batyr esgerlerdir.
17 Olar hasylyňy, çöregiňi+,
Ogul-gyzlaryňy,
Goýun-geçileriňi, mal-garalaryňy,
Üzüm, injir agaçlaryňy ýalmap ýuwudarlar.
Seniň bil baglaýan galalaryň ýer bilen ýegsan ediler».
18 Ýehowa şeýle diýýär: «Ýöne şol günlerde-de halky doly ýok etmerin+.
19 Halk senden: „Ýehowa Hudaýymyz näme üçin başymyza bela inderdi?“ diýip soranlarynda, olara: „Hudaýy taşlap, ýurduňyzda ýat taňra sežde etdiňiz. Şol sebäpli siz ýat ýurtda başga halklara hyzmat edersiňiz“+ diýip jogap ber».
20 Ýakup nesline jar et,Ýahuda yglan et:
21 «Diňläň, eý akylsyz we düşünjesiz* halk!+
Gözüňiz bar, görmeýärsiňiz+,Gulagyňyz bar, eşitmeýärsiňiz+.
22 Ýehowa diýýär: „Siz menden gorkmaýarsyňyz,Huzurymda titremeýärsiňiz.
Men deňze çäge bilen serhet goýdum,Deňiz çäginden geçmez ýaly ebedilik kanun çykardym.
Tolkunlar ýokary göterilse-de, çäginden çykmaýar,Olar möwç ursa-da, dolup daşmaýar+.
23 Emma kesir we gozgalaňçy halk,Meniň ýolumdan çykyp, öz ugruna gitdi+.
24 Olar: „Ýehowa Hudaýymyza hormat goýalyň!*
Ol güýz we ýaz ýagşyny berýär,Ýagşy öz wagtynda ýagdyrýar,Bize hasyl berýär*“ diýmediler+.
25 Etmişleriňiz we günäleriňiz bilen,Özüňizi bereketlerden mahrum edýärsiňiz+.
26 Halkymyň arasynda erbet adamlar peýda boldy.
Olar guş awçysy kimin awuna garaşyp ýatdy.
Adamlary tutmak üçin
Ölüm howply duzak gurdy.
27 Olaryň öýleri guşdan doly kapasa ýaly,Aldaw bilen toplanan baýlykdan doly+.
Olaryň güýç-kuwwaty hem mal-mülki artdy.
28 Semizlikden ýaňa ýüzlerinden ýag damýar,Zalym işleri başyndan agýar.
Olar ýetimleriň hakyny iýýär+,Garyplara adalatsyzlyk edip+,Üstünlik gazanýar“».
29 «Indi olardan hasabat soramarynmy?
Şu milletden arymy almarynmy? — Muny Ýehowa aýdýar.
30 Ýurtda elhenç we gorkunç zatlar bolýar:
31 Pygamberler ýalan welilik edýär+,Ruhanylar agalyk edýär.
Halkym olary goldaýar+.
Ýöne heläkçilik gelse, siz näme edip bilersiňiz?»
Çykgytlar
^ Sözme-söz: ýüzleri.
^ Şu aýatda Hudaýa tabyn bolmagy aňladýar.
^ Başga manysy: Ol ýok.
^ Sözme-söz: ýüreksiz.
^ Sözme-söz: Hudaýymyzdan gorkalyň!
^ Sözme-söz: Hasyl möwsümini goraýar.
