Ýermeýa 9:1—26
9 Käşgä başym guýy,Gözlerim çeşme bolsady!+
Halkymyň heläk bolanlary üçinGije-gündiz aglardym.
2 Wah, çölde syýahatçylaryň kerwensaraýy bolsady,
Halkymy taşlap, çykyp giderdim.Sebäbi olar zynahor+,Dönük halkdyr.
3 Atyljak ýaý ýaly, dilleri ýalan sözlemäge taýyn.Ýurtda wepalylyk däl-de, ýalan höküm sürýär+.
Ýehowa şeýle diýýär: «Olar zalym işlerde ökdeleşdiler.Meni äsgermeýärler+.
4 Her bir adam goňşusyndan ägä bolsun,Süýtdeş doganyna ynanmasyn.
Doganlaryň ählisi dönükdir+,Goňşularyň bary töhmetçidir+.
5 Her kes goňşusyny aldaýar,Hakykaty aýdýan adam ýok.
Olaryň dili ýalan sözlemäge öwrenişen+.
Olar erbetlik edip güýçden gaçýarlar.
6 Sen ýalançylaryň arasynda ýaşaýarsyň,
Olar ýalan sözleýärler. Meni tanamak islemeýärler».Muny Ýehowa aýdýar.
7 Şonuň üçin Serkerdebaşy Ýehowa şeýle diýýär:
«Men olary eredip, synagdan geçirerin+.Halkymyň gyzyna başga näme edeýin?
8 Dilleri ýalan ýagdyryp, zäherli peýkam kimin sanjylýar,
Goňşusyna süýji sözleri aýdýar,Ýüreginde bolsa duzak gurýar.
9 Indi olardan hasabat soramarynmy?
Şu milletden arymy almarynmy?+ — Muny Ýehowa aýdýar.
10 Daglar üçin aglap, ahy-nala çekerin,Çölüň öri meýdanlary üçin agy* aýdaryn.Ol ýerleri ýakdylar, indi hiç kim deňinden geçmeýär,Mal-garanyň sesi eşidilmeýär,
Guşlar uçdy, ýyrtyjy haýwanlar gaçyp gitdi+.
11 Men Iýerusalimi daş üýşmegine+,Şagallaryň sürenine öwrerin+.Ýahudanyň şäherleri boşap galar, janly-jemende galmaz+.
12 Muňa düşüner ýaly akyldar barmy?
Jar etmegi Ýehowa kime tabşyrar?
Ýurt näme üçin weýran boldy?
Ýurt näme üçin çöle döndi?Indi hiç kim ol ýerlerden geçmeýär».
13 Ýehowa şeýle diýdi: «Olar beren kanunymdan* ýüz öwrüp, berjaý etmediler, sözüme gulak asmadylar.
14 Olar kesirlik bilen kellesine gelenini etdiler+, ata-babalarynyň öwredişi ýaly, Bagal butlarynyň yzyna eýerdiler+.
15 Şol sebäpli Ysraýyl Hudaýy, Serkerdebaşy Ýehowa şeýle diýýär: „Halka ajy ýowşan iýdirerin, zäherli suw içirerin+.
16 Olary özleriniň, atalarynyň tanamaýan halklarynyň arasyna pytradaryn+. Olaryň üstüne gylyç ibererin, hemmesini gyraryn“+.
17 Serkerdebaşy Ýehowa şeýle diýýär:„Bolýan zatlar hakda oýlanyň.
Agy aýdýan aýallary çagyryň+,Ökdelerine habar ýollaň, gelsinler.
18 Tizräk gelsinler, siziň üçin agy aýtsynlar.Gözüňiziň ýaşy diňmesin,Kirpigiňiziň ýaşy guramasyn+.
19 Siondan agy sesi eşidilýär+:
„Bizi weýran etdiler,
Masgara bolduk!
Ýurdumyzdan kowdular, öýümizi ýumurdylar“+.
20 Eý aýallar, Ýehowanyň sesini eşidiň,
Sözüne gulak asyň!
Şu agyny gyzlaryňyza,Biri-biriňize öwrediň+.
21 Ölüm penjirämizden girdi,Berk diňlerimize geldi,Köçelerden çagalary,Şäher meýdançasyndan* ýigitleri alyp gitdi“+.
22 Olara şeýle diý: „Ýehowa yglan edýär:
„Jesetler topragyň ýüzünde ders ýaly pytrap ýatar.Jesetler orlan bugdaý ýaly çaşyp ýatar.Hiç kim olary ýygnamaz“»+.
23 Ýehowa şeýle diýýär:
«Paýhasly adam öz akylyna öwünmesin+,Pälwan güýjüne guwanmasyn,Baý mal-mülküne buýsanmasyn»+.
24 Ýehowa şeýle diýýär: «Öwünýän adam
Meni tanaýandygyna, bilýändigine öwünsin+.Goý, ol adam meniň, Ýehowanyň ýer ýüzünde wepaly*,Adalatly we dogruçyl höküm sürýändigime buýsansyn+.Men şu zatlardan şatlyk tapýaryn»+.
25 Ýehowa diýýär: «Şeýle günler geler, sünnetli, ýöne ýüregi sünnetlenmedik her bir adamdan,
26 Müsürden+, Ýahudadan+, Edomdan+, Mowapdan+, ammonlardan+ we sakgaly gyrkylan çarwa halkyndan+ hasabat soraryn. Sebäbi olar sünnetsizdir, bütin ysraýyl halkynyň ýüregi hem sünnetsizdir»+.
