Ýowel 1:1—20
1 Ýehowa Petuweliň ogly Ýowele* şeýle sözleri aýtmagy tabşyrdy:
2 «Eý ýaşulular, eşidiň!Ýurduň ilaty, diňläň!
Ata-babalaryňyzyň günlerinden bäri,Şeýle zady gören-eşiden barmy?+
3 Ol hakda ogullaryňyza gürrüň beriň.Ogullaryňyz hem agtyklaryňyza,Agtyklaryňyz hem çowluklaryňyza gürrüň bersin.
4 Uly çekirtgeden galan zady çekirtge sürüsi iýdi+,Çekirtge sürüsinden galanyny ganatsyz çekirtge iýdi,Ganatsyz çekirtgeden galanynyÝalmap-ýuwudýan çekirtge iýdi+.
5 Serhoşlar+, turuň, zar-zar aglaň!
Arakhorlar, perýat ediň!Sebäbi täze şerabyňyz gutardy+.
6 Ýurduma güýçli, sansyz-sajaksyz halk geldi+.
Olaryň dişleri arslanyňky+, äňleri ýolbarsyňky ýaly.
7 Olar üzüm agaçlarymy çapdylar,Injir agaçlaryň töňňesi galdy.Olaryň gabygyny sypyryp,Dumly-duşa zyňdylar,Şahalaryny ýalaňaçladylar.
8 Adaglysy* aradan çykan,Ýas eşigini* geýen gyz* ýaly aglaň.
9 Ýehowanyň öýüne galla+, şerap sadakalary+ getirilmeýär,Ýehowanyň gullary, ruhanylary ýas tutýarlar.
10 Ekin meýdanlary weýran edildi, toprak ýas tutýar+,Sebäbi galla ýok edildi, täze şerap, ýag gutardy+.
11 Daýhanlar gorkýarlar, üzümçiler zar-zar aglaýarlar,Sebäbi bugdaý, arpa,Ekin meýdanlaryň hasyly zaýalandy.
12 Üzüm agajy saralyp soldy,Injir agajy gurap galdy.
Nar, hurma*, alma agaçlary,Meýdanyň ähli agaçlary gurap galdy+.Il arasynda şatlyk-şagalaň kesildi.
13 Eý ruhanylar, jul* geýip, perýat ediň,Gurbanlyk ojagynyň* öňünde gulluk edýänler+,
Zaryn-zaryn aglaň.Allanyň gullary, geliň, gijäni jul içinde geçiriň!Sebäbi Hudaýyň öýüne şerap+,Galla sadakasy+ getirilmeýär.
14 Halk agyz beklesin, uly baýrama gelsin+.
Ýaşulular we tutuş halk Ýehowa Hudaýyň öýüne+ gelip,Ýehowadan kömek sorap ýalbarsynlar.
15 Ol gün ýetip gelýär.
Ýehowanyň güni ýetip gelýär+.Şonda Gudratygüýçli ähli zady ýok eder.
16 Gözümiziň alnynda çöregimizi elimizden aldylar,Allanyň öýünde şatlyk-şagalaň kesildi.
17 Ýeri agdarsalar-da, tohum gögermedi*.
Ammarlar boşap galdy.
Ekin meýdanlary galla bermedi, ammarlar weýran edildi.
18 Öküzler molaýar,
Sygyr sürüsi öri meýdanyny tapman, eýläk-beýläk enteýär.
Goýun sürüsi mäleýär.
19 Eý Ýehowa, seni çagyrýaryn!+Sebäbi öri meýdanlary kül boldy,Alaw ody ähli agaçlary ýalmap ýuwutdy.
20 Ýabany haýwanlar hem saňa ýalbarýar,Sebäbi çeşmeleriň ählisi gurady,Alaw ody öri meýdanlary kül etdi».
Çykgytlar
^ Manysy: Ýehowa Hudaýdyr.
^ Ýa-da: Äri.
^ Sözme-söz: Jul.
^ Ýa-da: gelin.
^ Hurma bitýän palma agajy göz öňünde tutulýar.
^ Başga manysy: injir agajy gurady.