Ýowel 2:1—32
2 «Sionda surnaý çalyň!+
Mukaddes dagymda söweş surnaýyny çalyň.
Goý, ýurduň halky titresin.Sebäbi Ýehowanyň güni ýetip gelýär+. Ol gün ýakyndyr!
2 Ol gün tümlük, garaňkylyk günüdir+,Bulutly, gap-gara bulutly gündür+,Daglara düşýän daň şapagy kimindir.
Güýçli bir halk geler, san-sajagy ýokdur+,Gadymy döwürde-de, geljekki nesillerde-deOňa taý geljek ýokdur.
3 Onuň öňünde ýalmap-ýuwudýan ot,Yzynda ýakyp kül edýän alaw bardyr+.
Öňünde Erem bagy kimin ýurt+,Yzynda gurap ýatan çöl bardyr.Elinden hiç bir zat gutulyp bilmez.
4 Görnüşi ata meňzeýär,Söweş bedewleri kimin ýüwrükdir+.
5 Dagyň depesine çykanda,Olaryň sesi söweş arabalarynyň güpürdisi kimin+,Otda ýanýan samanyň şatyrdysy ýalydyr.
Olar söweş nyzamyna düzülen güýçli halk kimindir+.
6 Olaryň elinden halklar jebir çeker.
Gorkudan ýaňa ýüzleri ak tam ýaly bolar.
7 Olar pälwan kimin topulýarlar.Esger kimin diwara dyrmaşýarlar.Her biri nyzam bilen ýöreýär,Hiç biri ýolundan sowulmaýar.
8 Biri-birini iteklemeýärler,Olaryň her biri nyzam bilen ýöreýärler.
Atylan okdan ýykylsa-da ýoldaşy,Nyzamyndan çykmaýar gardaşy.
9 Olar şähere çozýarlar, diwarlardan aşýarlar.
Öýlere dyrmaşyp çykyp,Penjireden ogry kimin girýärler.
10 Olaryň öňünde ýer we gök titreýär.
Gün we Aý tutulýar+,Ýyldyzlar şöhle saçmaýar.
11 Ýehowa goşunynyň+ başynda batly seslener,Esgerleriniň san-sajagy bolmaz+.
Onuň sözüni ýerine ýetirýän güýçlüdir.Ýehowanyň güni beýik hem gorkunçdyr+.
Kim çydap biler?»+
12 Ýehowa şeýle diýýär: «Heniz wagt barka,Bütin ýüregiňiz bilen maňa dolanyň+.Agyz bekläň+, aglaň, perýat ediň.
13 Diňe ýakaňyzy ýyrtman+, ýürekden toba ediň*+.Ýehowa Hudaýyňyza dolanyň.Şonda ol pikirinden dänip*,Başyňyza betbagtçylyk indermez.Sebäbi ol mähirli* hem rehimdar,Giň göwünli*+ hem wepaly söýgä* baý+ Hudaýdyr.
14 Kim bilýär, belki, gahary köşeşer, pikirini üýtgeder*+,Size bol bereketleri berer.Şonda siz Ýehowa Hudaýyňyza galla,Şerap sadakasyny berip bilersiňiz.
15 Sionda surnaý çalyň!
Agyz bekläň, halky uly baýramçylyga çagyryň!+
16 Halky ýygnaň, jemagaty mukaddes ediň+.
Ýaşululary, çagalary hem bäbekleri jemläň+.
Goý, ýigit öz gelni bilen otagyndan çyksyn.
17 Minara bilen gurbanlyk ojagynyň*+ arasyndaRuhanylar bilen Ýehowanyň gullary aglap, şeýle diýsin:
„Ýehowa, halkyňa rehim et!Halkyňy masgara etme,Ýat halklar olaryň üstünden agalyk etmesin.
„Olaryň Hudaýy nirede?“ diýmesin“+.
18 Şonda Ýehowa ýurduny gabanjaňlyk bilen gorar.Halkyna rehimi iner+.
19 Ýehowa halkyna şeýle diýer:
„Indi men size galla, täze şerap, ýag bererin.Siz doýup ganarsyňyz+.Indi siz halklaryň arasynda masgara bolmarsyňyz+.
20 Demirgazykdan gelenleri kowaryn.Men olary takyrlyga hem çöle pytradaryn.Goşunyň öňüni* gündogar deňzine*,Yzyny* günbatar deňzine* kowaryn.
Jesetleri porsar.Porsy ysy älem-jahany tutar+.Sebäbi Hudaý beýik işleri eder“.
21 Eý ýurt, gorkma!
Şatlan we begen, sebäbi Ýehowa beýik işleri eder.
22 Ýabany haýwanlar, gorkmaň!Sebäbi sähralar ýaşyl dona bürener+.Agaçlar miwe berer+.Injir we üzüm agaçlary bol hasyl berer+.
23 Sion ogullary, Ýehowa Hudaýyňyzyň işlerine şatlanyň+.Sebäbi ol gadymky günlerde bolşy ýaly,Güýzde ýagyşly-ýagmyrly günleri köpelder.Siziň üçin çabga, güýz we ýaz ýagyşlaryny ýagdyrar+.
24 Harmanlar galladan dolar.Çelekler täze şerapdan, ýagdan püre-pür bolar+.
25 Men siziň üstüňize uly goşunymy+:Çekirtgeleriň sürüsini, ganatsyz çekirtgeleri,Ýalmap-ýuwudýan çekirtgeleri, uly çekirtgeleri iberdim.Olar şunça ýyllap zyýan ýetirdi, indi öwezini dolaryn.
26 Siz doýup ganarsyňyz+.Siziň üçin ajaýyp işleri edenÝehowa Hudaýyňyzyň adyna alkyş aýdarsyňyz+.Halkym indi hiç haçan utanja galmaz+.
27 Meniň ysraýylyň arasyndadygyma+,Olaryň Hudaýy Ýehowadygyma+ şonda düşünersiňiz!
Halkym indi hiç haçan ýüzügara bolmaz.
28 Şondan soňra her biriniň üstüne ruhumy indererin+.Ogul-gyzlaryňyz pygamberlik ederler.Gojalaryňyz düýşler,Ýigitleriňiz görnüşler* görerler+.
29 Men gullarymyň, gyrnaklarymyň üstüneŞol günler ruhumy indererin.
30 Men asmanda we ýer ýüzünde alamatlary:Gan, ot we gara tüsse görkezerin+.
31 Ýehowanyň beýik we gorkunç güni gelmezinden öň+,Gün tümlüge döner, Aý gana boýalar+.
32 Ýehowanyň adyny çagyran her bir adam halas bolar+.Ýehowanyň aýdyşy ýaly, Sion dagynda,Iýerusalimde aman galanlar bolar+.Ýehowanyň çagyranlarynyň başy dik bolar».
Çykgytlar
^ Sözme-söz: ýürekleriňizi ýyrtyň.
^ Ýa-da: ökünip.
^ Ýa-da: duýgudaş.
^ Ýa-da: Sabyr-takatly; çalt gaharlanmaýan.
^ Ýa-da: öküner.
^ Sözme-söz: ýüzüni.
^ Ýagny Öli deňzi.
^ Sözme-söz: Ýeňsesini.
^ Ýagny Ortaýer deňzi.
