Ýowel 3:1—21
3 «Şol döwürde, şol günlerde,Ýahudanyň we Iýerusalimiň ýesirlerini yzyna getirerin+.
2 Şonda ähli halklary hem ýygnap,Ýehoşapat* jülgesine getirerin.
Halkymyň we mirasym Ysraýylyň hatyrasyna,Olara höküm çykararyn+.Sebäbi olar halkymy milletleriň arasyna dargatdylar,Olar meniň ýurdumy özara paýlaşdylar+.
3 Olar halkym üçin bije atdylar+,Ahlaksyz aýal bilen ýatmak üçin oglanlary satdylar,Gyzlary şeraba çalyşdylar.
4 Eý Tir, Sidon we ähli Pilişt welaýatlary,Maňa garşy çykmaga neneň milt edip bildiňiz?
Siz maňa gaýtawul berýärsiňizmi?
Eger şeýle bolsa,Derrew almytyňyzy bererin+.
5 Siz meniň altyn-kümşümi olja aldyňyz+,Hazynamy ybadathanalaryňyza eltip goýduňyz.
6 Siz Ýahuda we Iýerusalim halkynyÝurdundan uzaklara äkidip, greklere satdyňyz+.
7 Olary satan ýurduňyzdan yzyna getirerin+,Edenleriňizi öz başyňyzdan indererin.
8 Men ogul-gyzlaryňyzy ýahuda halkyna sataryn+,Halkym hem olary uzakda ýaşaýan şebalylara satar,Sebäbi muny Ýehowa aýtdy.
9 Halklaryň arasynda jar ediň+:
„Söweşe taýýarlyk görüň, batyr ýigitler aýaga galsyn!
Goý, ähli esgerler ýygnanyp, hüjüm etsin!+
10 Azallaryňyzdan gylyçlar,Oraklaryňyzdan naýzalar ýasaň.
Goý, ejizler: „Men güýçli“ diýsin.
11 Goňşy milletler! Ýygnanyň+, biri-biriňize kömek ediň“».
Eý Ýehowa, güýçli esgerleriňi şol ýere iber.
12 «Goý, halklar aýaga galyp, Ýehoşapat jülgesine gelsin,Sebäbi men ol ýere baryp, halklara höküm çykarjak+.
13 Hasyl ýetişdi, oraklaryňyzy alyň,
Üzüm sykylýan çukurlar üzümden doldy+,Geliň, üzümi depeläň.
Çelekler şerapdan dolup daşdy,Olaryň zalym işleri hetden aşdy.
14 Höküm jülgesine uly märeke ýygnandy,Sebäbi Ýehowanyň höküm çykarjak güni ýakyndyr+.
15 Günüň, Aýyň ýüzi tutular,Ýyldyzlar şöhle saçmaz.
16 Ýehowa Siondan arslan kimin arlar,Ol Iýerusalimden batly ses bilen gygyrar.
Asman we ýer sarsar,Ýöne Ýehowa halkyna pena bolar+,Ysraýyl halkyna gala bolar.
17 Şonda meniň Ýehowa Hudaýyňyzdygymy bilersiňiz.
Men Sionda, mukaddes dagymda+ bolaryn,Iýerusalim mukaddes mekan bolar+,Kesekiler ol ýere aýak basmaz+.
18 Şol gün daglardan täze şerap damar+,Baýyrlardan süýt akar,Ýahudanyň çeşmeleri dolup daşar.
Ýehowanyň öýünden akýan çeşme+,Akasiýa jülgesini suwarar.
19 Emma Müsür harabaçylyga döner+,Edom çöllüge öwrüler+,Sebäbi olar ýahuda halkyna zalymlyk etdiler+,Bigünä adamlaryň ganyny dökdüler+.
20 Ýahuda hemişe ilatly bolar,Iýerusalimiň halky hiç haçan azalmaz+.
21 Olar näçe gan dökenem bolsa,Men olaryň günälerini geçerin+,Ýehowa Sionda mesgen tutar»+.
Çykgytlar
^ Manysy: Ýehowa Kazydyr.
