Eýýup 17:1—16
17 Güýç-kuwwatdan gaçdym, demimi sanap ýatyryn,Meni mazar çagyrýar+.
2 Ýaňsylaýjylar ýanymda+,Olaryň zalymlygy gözümiň alnynda.
3 Ýalbarýaryn, hemaýat et maňa!
Arkamy tutjak başga kim bar?+
4 Olara aň-düşünje bermediň+,Olary beýgeltmediň.
5 Ol baýlygyny dostlary bilen paýlaşýar,Çagalarynyň açlykdan gözleri garaňkyraýar.
6 Hudaý meni masgara edýär+,Olar ýüzüme tüýkürýär+.
7 Gaýgydan ýaňa gözüm küteldi+,On iki synam çöpe döndi.
8 Dogruçyl adam derdime aňk bolýar.Hudaýsyzlary* görüp, bigünäler gaharlanýar.
9 Dogruçyl ynsan wepalylygyny* saklaýar+,Eli arassa adam gün-günden güýçlenýär+.
10 Geliň, siz hem dawalaşyň!Şu wagta çenli akylly gepläniňiz bolmady+.
11 Ömrümiň günleri tükenip barýar+.Niýetlerim, ýürek arzuwlarym puja çykýar+.
12 Olar gijäni gündize öwürýärler.„Garaňkylykdan soň ýagtylyk geler“ diýýärler.
13 Ýene birsalymdan mazar* öýüm bolar+,Ýorgan-düşegimi garaňkylykda ýazaryn+.
14 Mazara+: „Kakam“,
Gurçuga: „Ejem, jigim“ diýerin.
15 Hany meniň umydym?+
Gören barmydyr?
16 Barymyz topraga siňeris,Umydymyz hem gapysy gulply mazara iner»+.
