Eýýup 21:1—34
21 Eýýup söze başlady:
2 «Aýtjak sözlerimi ünsli diňläň,Şonda göwünlik berdigiňiz bolar.
3 Biraz sabyr ediň, men gepläýin,Soňra üstümden gülüberiň+.
4 Ynsan bilen dawalaşýarynmy?
Eger şeýle bolsa, dymyp oturardymmy?
5 Agzyňyzdan bir sözem çykmasyn.Maňa seredip, haýran galyň.
6 Oý-pikirden ýaňa janyma ýer tapamok,Tutuş bedenim sandyraýar.
7 Erbetler näme üçin uzak ömür sürýär?+Näme üçin döwleti* artýar, garrap ölýär?+
8 Çagalary hemişe ýanynda,Agtyk-çowlugy daşynda.
9 Öýleri asuda, gorkyny bilmeýär+.Hudaý olara jeza bermeýär.
10 Öküzleriniň sany artýar,Sygyrlary guzlaýar, gölesi düşmeýär.
11 Ogullary ylgaşýar, oýnaýar,Çagalary owlak ýaly ýaýnaýar.
12 Olar deprek, arfa çalyp aýdym aýdýarlar,Tüýdük sesi bilen göwnüni açýarlar+.
13 Gaýgy-gamsyz ömür sürýärler,Sag-salamat* mazara* inýärler.
14 Hudaýa diýýärler: „Bizi öz günümize goý!
Ýollaryňy öwrenmek islemeýäris+.
15 Gudratygüýçlä gulluk etmeris, ol kimmişin?!+
Hudaýy ýatlamagyň* näme peýdasy bar?“+
16 Bilýärin, olaryň rowaçlygy öz elinde däl+.
Men erbetleriň maslahatyna gulak asmaryn+.
17 Heý-de, erbetleriň çyrasy sönermi?+
Başyna betbagtçylyk inermi?
Hudaý olara gahar edip, jeza berermi?
18 Heý-de, olar gury ot kimin şemala uçarmy?Ýele sowrulan saman ýaly bolarmy?
19 Hudaý erbediň jezasyny ogluna çekdirer.
Goý, erbediň özi-de Hudaýdan almytyny alsyn+.
20 Goý, ol heläkçiligi gözi bilen görsün.Gudratygüýçlüniň gahar käsesinden içsin+.
21 Biwagt dünýäden ötse+,Çagalarynyň bagtyna guwanyp bilermi?
22 Kim Hudaýa akyl berip biler?+Ol han-beglere* höküm çykarar+.
23 Gujurly, aladasyz adam hemParahat döwür aradan çykýar+.
24 Garnyny ýag bassa-da,Süňkleri berk bolsa-da, ömür tanapy üzülýär.
25 Başga biri bolsa ömürboýy dert çekip,Ýagşylyk ýüzüni görmän dünýäden ötýär.
26 Ikisi-de gara topragyň astynda ýatar+,Gurt bilen gurçuk üstüni örter+.
27 Men siziň oý-pikiriňizi bilip durun,Siz ýamanlyk etmegiň küýüne düşdüňiz+.
28 Siz: „Hany baý aganyň öýi nirede?Erbet adamyň çadyry nirede?“ diýýärsiňiz+.
29 Ýolagçylardan soramadyňyzmy?
Olaryň aýdanlaryna ynanmadyňyzmy?
30 Betbagtçylyk güni zalymlar aman galýar,Gazap güni halas bolýar.
31 Kim onuň eden işini ýüzüne basar?Eden etmişi üçin kim temmi berer?
32 Ony gonamçylyga elterler,Mazarynyň* başynda sakçy goýarlar.
33 Ol gara ýeriň gujagynda süýji uka gidýär*+,Ähli adamlar yzyndan barýar+.Öňünden gidenleriň hem sany ýokdur.
34 Boş sözler bilen göwünlik bermek nämä gerek?+
Ýalandyr, bar gepiňiz ýalandyr!»
Çykgytlar
^ Ýa-da: güýç-kuwwaty.
^ Ýa-da: Tarpa-taýyn. Ýagny ejir çekmän ölmek.
^ Ýa-da: tanamagyň.
^ Ýa-da: ygtyýarlylara.
^ Sözme-söz: Jaýlanan jülgesiniň topragy oňa süýjüdir.
