Hoşeýa 10:1—15
10 «Ysraýyl ýabany* üzüm agajy ýaly bol miwe bererdi+.
Miwe berdigi saýyn, köp gurbanlyk ojagyny* gurdy+.Topragy mes boldugy saýyn, keramatly sütünleri dikdi+.
2 Olar ikiýüzlüdir,Indi olaryň aýyby açylar.
Gurbanlyk ojaklary, keramatly sütünleri ýykylar.
3 Halk diýer: „Biz Ýehowadan gorkmadyk,
Şonuň üçin patyşamyz hem ýok+.Patyşamyz bolsa-da, ondan ne peýda?“
4 Olar boş sözleri aýdýarlar,Ýalandan ant içip+ äht baglaşýarlar.Adalatsyz hökümleri mellekde ösýän zäherli ot kimindir+.
5 Beýtaweniň göle butuna näme bolarka diýipSamariýanyň ilaty gorkar+.
Halk onuň üçin ýas tutar,Göle butuna buýsanýan ruhanylar-da aglarlar.Sebäbi göle buty sürgün ediler.
6 Ony Assiriýa äkidip, beýik patyşa+ sowgat bererler.
Efraýym masgara bolar.Ysraýyl boş sözlere gulak asyp, utanja galar+.
7 Samariýa we onuň patyşasy,Suwa gaçan çöp ýaly gözden gaýyp bolar*+.
8 Ysraýyly günä iteren+Beýtaweniň+ seždegähleri* ýok ediler+.
Gurbanlyk ojaklaryny+ ýandak bilen tikenek basar.
Halk daglara: „Üstümize ýykylyň!“
Depelere: „Bizi gizläň!“ diýerler+.
9 Ysraýyl, sen Gibeýanyň günlerinden bäri günä edýärsiň+.
Olar erbet işlerinden el çekmediler.
Hatda gylyç hem Gibeýanyň zalym halkynyKöki-damary bilen ýok edip bilmedi.
10 Men islän wagtym olara jeza bererin.
Olaryň iki günäsini hemBoýnuna boýuntyryk edip salaryn,Halklar olara garşy çykarlar.
11 Efraýym baş öwredilen,Harman döwmegi halaýan sygyr* kimindi.
Men oňa boýuntyryk salmaga dözmedim.
Indi Efraýyma agyzzyryk salaryn+,Ýahuda ýer sürdürerin, Ýakuba ýer tekizlederin.
12 Dogruçyllyk tohumyny ekiň, wepaly söýgini* oruň.
Wagt barka, Ýehowany gözläň+,Ol gelip, dogruçyllygy öwredýänçä+,Ekin meýdanyňyzy sürüň+.
13 Emma siz zalymlygy ekip,Adalatsyzlygy orduňyz+.Ýalanyň miwesini iýdiňiz.Siz özüňize bil baglap,Pälwanlaryň köplügine buýsandyňyz.
14 Şalmanyň Arbel öýüni talaýşy ýaly,Söweş güni eneleriň çagalary bilen parçalanyşy ýaly,Esgerler gygyryşyp halkyňyza hüjüm ederler.Ähli galalaryňyz derbi-dagyn bolar»+.
15 Eý Beýtel, zalymlygyň köplügi üçin,Senem şeýle güne düşersiň+.
Daň atanda, Ysraýyl patyşasy ýok ediler*+.
Çykgytlar
^ Başga manysy: gür şahaly.
^ Sözme-söz: dymdyrylar.
^ Ýagny bogaz bolmadyk sygyr.
^ Sözme-söz: dymdyrylar.
