Hoşeýa 11:1—12
11 «Men Ysraýyly oglanjykka söýdüm+,Men oglumy Müsürden çagyrdym+.
2 Olar* Ysraýyly näçe köp çagyrsa-da,Şonça-da Ysraýyl olardan uzaklaşdy+.
Ol Bagal butlaryna+ gurbanlyk berdi,Oýma butlara gurbanlyk hödürledi+.
3 Efraýymyň golundan tutup+, ýöremegi men öwretdim+.Olary men sagaltdym, emma muňa düşünmediler.
4 Men mähir we söýgi bilen golundan tutup* ýöretdim+.Men onuň boýnundan boýuntyrygyny çykaryp taşladym,Her birini mähir bilen naharladym.
5 Olar Müsüre dolanmaz,Üstlerinden Assiriýa höküm sürer+.Sebäbi olar maňa dolanmak islemediler+.
6 Olar pälinden taparlar+, gylyçdan geçiriler,Gylyç şäherlerini weýran edip+, kiltlerini döwüp taşlar.
7 Halkym maňa biwepalyk etmegi ýüregine düwdi+.
Olara: „Hudaýa dolanyň!“ diýdiler,Emma hiç biri seslenmedi.
8 Efraýym, men senden nädip ýüz öwreýin?+
Ysraýyl, seni nädip duşmanyň eline bereýin?
Heý-de, seni Admanyň gününe salarynmy?
Heý-de, seni Zeboýymy+ edişim ýaly ederinmi?
Meniň ýüregim gyýyldy,Size rehimim indi+.
9 Gaharymy başyňyzdan indermerin.
Indi Efraýymy ýok etmerin+,Sebäbi men ynsan däl, Hudaýdyryn,Siziň Mukaddes Hudaýyňyzdyryn.Men gazap bilen üstüňize gelmerin.
10 Olar Ýehowanyň yzyndan gider, ol arslan kimin arlar+.Hudaý batly ses bilen gygyrar,Ogullary günbatardan sandyr-sandyr edip gelerler+.
11 Olar Müsürden guş kimin,Assiriýadan kepderi kimin titräp gelerler+.Men olary öýünde ýaşadaryn — muny Ýehowa aýdýar+.
12 Efraýym maňa ýalan sözleýär.Nirä seretsem, Ysraýyl öýüniň hilegärligini görýärin+.
Emma Ýahuda Allanyň ýolundan ýöreýär,Iň Mukaddes Hudaýa wepaly bolýar»+.
Çykgytlar
^ Ýagny Ysraýyla öwüt-ündew etmek üçin iberilen pygamberler we başga adamlar.
^ Sözme-söz: ynsan ýüpleri we söýgi ýüpleri. Belki, çaga ýöremegi öwredenlerinde ulanylýan ýüp göz öňünde tutulýandyr.
