Hoşeýa 5:1—15
-
Efraýym we Ýahuda höküm edilýär (1—15)
5 «Eý ruhanylar, diňläň!+Ysraýyl öýi, eşitdim-eşitmedim diýmäň!Patyşanyň köşgündäkiler, gulak asyň!Siz Mispada gurlan duzak,Taboryň+ üstüne atylan tor bolduňyz.Şonuň üçinem höküm edilersiňiz.
2 Gozgalaňçylar köp gan dökdüler.Men olara duýdurypdym.
3 Men Efraýymy tanaýaryn.Ysraýyl menden gizlenip bilmez.
Efraýym, sen zyna etdiň.Ysraýyl öz-özüni haram etdi+.
4 Olar edýän işleri üçin Hudaýa dolanyp bilmeýärler.Sebäbi olaryň pikiri ahlaksyzlykdan doly+.Olar Ýehowany tanamaýarlar.
5 Tekepbir ysraýyl öz aýybyny özi açdy+.Ysraýyl we Efraýym günä edip büdrediler,Ýahuda hem olar bilen bile ýykyldy+.
6 Olar mal-garasyny alyp, Ýehowany gözlediler,Ýöne tapyp bilmediler.
Hudaý olary taşlap gitdi+.
7 Olar keseki* çagalaryň atasy bolup,Ýehowa dönüklik etdiler+.
Olar bir aýyň içinde mülki bilen bile ýok bolarlar.
8 Gibeýada we Ramada+ söweş surnaýyny çalyň!+
„Benýamin, yzyňdan gideris!“ diýip,Beýtawende+ gygyrsynlar.
9 Eý Efraýym, höküm güni gorkunç ýagdaýa düşersiň+.
Men boljak zatlary ysraýyl taýpalaryna aýdaryn.
10 Ýahudanyň hanlary araçägini süýşürýän adama meňzeýär+.
Gaharymy suw kimin olaryň üstüne dökerin.
11 Efraýym ezildi, hökümden ýaňa ýer bilen ýegsan edildi.Sebäbi ol duşmanynyň yzyna düşmegi ýüregine düwdi+.
12 Men Efraýyma güýe düşürdim,Ýahuda öýüni çüýretdim.
13 Efraýym kesellände, Ýahuda ýara çykanda,Efraýym Assiriýa+ gitdi,Çaparyny beýik patyşanyň ýanyna ýollady.
Emma ol seni sagaldyp bilmedi,Derdiňe derman bolmady.
14 Men Efraýym üçin şir kimin,Ýahuda üçin güýçli arslan kimin bolaryn.
Olary parça-parça edip alyp giderin+,Hiç kim olary halas edip bilmez+.
15 Men mekanyma giderin,Olar jezasyny çekýänçä dolanmaryn.
Şonda olar rehim etmegimi sorarlar+.Agyr günlerinde meni agtararlar»+.
Çykgytlar
^ Belki, başga milletli aýaldan doglan Hudaýy tanamaýan çagalar.
