Hoşeýa 7:1—16
7 «Her sapar Ysraýyly sagaltjak bolanymda,Efraýymyň günäsi,Samariýanyň erbet işleri äşgär bolýar+.
Hilegärlige ýüz urýarlar+,Ogrular öýleri talaýar,Garakçylar köçelerde talaňçylyk edýär+.
2 Men olaryň ähli erbet işlerini ýada salaryn,Ýöne olar muňa düşünmeýärler+.
Olaryň edýän işleri açyk-aýdyň*,Meniň gözümiň alnynda.
3 Olar erbet işleri bilen patyşanyň,Hilegärlik bilen han-begleriň göwnüni göterýärler.
4 Olaryň ählisi zynahor,Gyzdyrylan tamdyr kimindir.Hamyr ajaýança, çörekçi ody gorjaýan däldir.
5 Patyşanyň baýram günündeHanlar şerapdan serhoş bolup+,Gahar-gazaba mündüler, ýarawsyz hala düşdüler.
Patyşa hem ýaňsylaýjylar bilen dostlaşdy.
6 Olaryň erbetlikden doly ýüregi* otly tamdyr kimindir.
Çörekçi bütin gije ýatsa-da,Daňdan hem tamdyrda ot lowlap ýanýandyr.
7 Hemmesi tamdyr kimin gyzdylar,Han-beglerini* ýalmap ýuwutdylar.
Ähli patyşalary ýykyldy+.Olaryň hiç biri meni çagyrmady+.
8 Efraýym halklar bilen garyşyp gitdi+.
Efraýym bir tarapy bişmedik külçe ýalydyr.
9 Kesekiler güýjüni alsa-da+, ol bilmedi.
Başy çuw ak bolsa-da, hiç zada düşünmedi.
10 Tekepbir Ysraýyl öz aýybyny özi açdy+,Emma Ýehowa Hudaýyna dolanmady+,Başyna gelen ähli zady görüp-de, Hudaýy gözlemedi.
11 Efraýym akylsyz, düşünjesiz kepderi kimindir+.
Olar Müsüre ýalbardy+, Assiriýadan kömek sorady+.
12 Olar nirä gitseler-de, üstlerine tor ataryn.
Asman guşlary kimin tutaryn.
Men halka aýdan jezamy bererin+.
13 Olar menden gaçdylar, waý olaryň halyna!
Maňa garşy günä etdiler, goý, indi gyrylsynlar!
Olary halas etjekdim, emma men hakda ýalan ýaýratdylar+.
14 Olar düşeginde zar-zar agladylar,Ýöne meni ýürekden çagyrmadylar+.
Bugdaý we täze şerap diläp, bedenine ýara saldylar.Menden ýüz öwürdiler.
15 Men olary terbiýeledim, goluna güýç-kuwwat berdim.Olar hile gurup, maňa garşy çykdylar.
16 Olar ýoluny üýtgetdiler, ýöne Hudaýa dolanmadylar.Olar kirşi gowşan ýaý kimin derde ýaraýan däldirler+.
Han-begler ajy dilleri sebäpli gylyçdan geçiriler.
Müsür ýurdunda gülki bolarlar»+.
Çykgytlar
^ Ýa-da: Olary eden işleri gurşady.
^ Başga manysy: Olaryň ýüregi oý-pikirlerinden ýaňa.
^ Sözme-söz: Kazylaryny.
