Hoşeýa 8:1—14
8 «Surnaý çalyň!+
Duşman Ýehowanyň öýüne bürgüt kimin inýär+.Sebäbi meniň halkym ähtimi, kanunymy bozdy+.
2 Halkym: „Hudaýym, seni tanaýarys“+ diýip gygyrýar.
3 Ysraýyl ýagşylykdan ýüz öwürdi+.
Goý, indi ony duşman yzarlasyn.
4 Menden soraman patyşa bellediler.
Menden rugsatsyz han-begleri goýdular.
Altyn-kümüşden butlar ýasap+,Başyna bela satyn aldylar+.
5 Eý Samariýa, ýasan göle butuňy kül-owram ederin+.
Olara garşy gaharym lowlaýar+.
Olar haçana çenli günäden tämizlenmän ýörerler?
6 Ol Ysraýylyň işidir.
Ussanyň ýasan buty Hudaý däldir.Samariýanyň ýasan göle butuny kül-owram ederin.
7 Olar şemal ekeni üçin,Apy-tupan orýarlar+.
Bugdaý baş çykarmaz+.Sümmülden un alynmaz.
Alynaýsa-da, kesekiler ýalmap ýuwudar+.
8 Ysraýyly weýran ederler+,
Olar halklaryň arasynda+Dereksiz küýze kimin bolarlar.
9 Olar ýeke gezýän gulan kimin Assiriýa+ gitdi.
Efraýym hak töläp, ahlaksyz aýallar bilen ýatdy+.
10 Olar hak töläp, başga milletli ahlaksyz aýallar bilen ýatdy,Indi men olary bir ýere ýygnaryn.Olar patyşanyň, han-begleriň agyr ýükünden ezilerler+.
11 Efraýym gurbanlyk ojaklaryny* köpeldip, günä etdi+.
Gurbanlyk ojaklary günä batyrdy+.
12 Halkyma köp kanunlary berdim.Emma olar äsgermezçilik etdiler+.
13 Maňa gurbanlyk berip, etini özleri iýdiler.Ýehowa olardan razy däldir+.
Indi Alla ýazyklaryny ýatlar, günäleri üçin jeza berer+.
Olar Müsüre dolandylar*+.
14 Ysraýyl Ýaradanyny unutdy+, buthanalary gurdy+.Ýahuda ençeme galalary gurdy+.
Men olaryň şäherlerini oda ýakaryn.Diňlerini ýakyp kül ederin»+.
