Hoşeýa 9:1—17
9 «Ysraýyl halky, begenme!+Milletler ýaly çapak çalma!
Sen ahlaksyzlyk edip, Hudaýyňdan daşlaşdyň+.
Her harmanda zyna edip alan hakyňa guwandyň+.
2 Olaryň harmany, üzüm sykylýan çukurlary boşap galar,Täze şeraby hem bolmaz+.
3 Olar Ýehowanyň ýurdunda ýaşamaz+.Efraýym Müsüre dolanar,Assiriýada haram zatlary iýer+.
4 Olar Ýehowa şerap sadakalaryny hödürlemez+.Gurbanlyklary onuň göwnünden turmaz+,
Olar ýas çöregi ýaly bolar.Ony iýenleriň hemmesi haram bolar.
Olaryň çöregi özleri üçindir,Ýehowanyň öýüne getirilmez.
5 Sen ýygnak güni näme edersiň?Ýehowanyň baýram güni näme işlärsiň?
6 Olar heläkçilikden başyny gutarmak üçin gaçarlar+,
Müsür olary ele salar+, Memfis olary jaýlar+.
Kümüşden ýasalan gymmatbaha zatlarynyHaşal otlar basar,Çadyrlarynda tikenekler biter.
7 Hasabat bermeli günleriň geler,Höküm günleriň başyňa iner+.Şonda Ysraýyl muňa göz ýetirer,
Pygamberiň, weliniň* akmaklygy belli bolar,Sebäbi siz köp günä etdiňiz,Daş-töweregiňiz duşmandan doldy».
8 Efraýymyň garawuly+ Hudaýa wepalydy+.
Indi pygamberleriniň ýollary+ awçynyň duzagy kimindir.Allanyň öýi dawa-jenjelden doldy.
9 Ysraýyllar gibeýalylar ýaly azgynçylyga batdylar+.
Hudaý olaryň ýazyklaryny ýatlar, günäleri üçin jeza berer+.
10 «Ysraýyl çölde biten üzüm agajy ýalydy+.
Olaryň ata-babalary injiriň ilkinji hasyly kimindi.
Emma olar Pegor Bagalynyň+ ýanyna gitdiler,Özlerini ýigrenji taňra bagyş etdiler+,Sežde edýän buty ýaly ýigrenji boldular.
11 Efraýymyň şöhraty guş kimin uçup gitdi,Aýallary ne göwreli boldy, ne-de çaga dogurdy+.
12 Oglan-uşagyny kemala getirse-de,Men birine-de rehim etmän, ählisini gyraryn+.Olardan ýüz öwren günüm dady-perýat ederler+.
13 Sähralykda ekilen Efraýym meniň üçin Tir+ ýalydy,Indi bolsa Efraýymyň ogullarynyň damagy çalnar».
14 Eý Ýehowa, olara etmişine görä temmi ber.Goý, olaryň çagasy düşsün, göwsünde süýt bolmasyn.
15 «Gilgalda+ erbet işleri etdiler, şonda men olary ýigrendim.
Indi men olary söýmerin+,Zalym işleri sebäpli öýümden kowaryn+.
Olaryň ähli han-begleri kesirdir.
16 Efraýymy ýykan-ýumran ederin+.
Olaryň köküni guradaryn, gaýdyp miwe bermezler.
Hatda çaga dogursalar-da, eziz balalaryny öldürerin».
17 Meniň Hudaýym olardan ýüz öwrer,Sebäbi halk Hudaýy diňlemedi+,Olar milletler arasynda gaçgak bolup ýaşarlar+.
