Işaýa 11:1—16
11 Ýessäniň+ töňňesinden bir baldak+ gögerer,Onuň kökünden çykan şaha+ miwe berer.
2 Ýehowanyň ruhy üstüne iner+,Ol akyl-paýhasly+, düşünjeli bolar,Gowy maslahatlary berer, güýç-kuwwatly bolar+,Bilimi köp bolar, Ýehowa çuňňur hormat goýar.
3 Ol höwes bilen Ýehowa hormat goýar*+.
Gözüniň görenine görä höküm çykarmaz,Gulagynyň eşidenine görä käýinç bermez+.
4 Ol garyp-gasarlara adalatly kazylyk eder,Ýumşaklaryň aladasyny edip, ýüzgörmän käýär.
Agzyndan çykan sözi* halklary* urar+,Agzyndan çykan demi* erbetleri ýok eder+.
5 Biline adalat guşagyny,Wepadarlyk kemerini dakar+.
6 Möjek guzy bilen ýaşar*+,Alajabars owlak bilen ýatar,Ýolbars, göle we öküz* bile gezer*+,Olary çagajyk bakar.
7 Sygyr aýy bilen otlar,Olaryň çagalary bile ýatar,
Arslan öküz kimin gök ot* iýer+.
8 Çagajyk kepjebaşyň hininiň agzynda oýnar,Oglanjyk elini zäherli ýylanyň hinine sokar.
9 Olar hiç hili zyýan ýetirmez+,Mukaddes dagymda zeper ýetirmez+.Deňziň suwdan doluşy deý,Ýer ýüzi Ýehowa hakdaky bilimden dolar+.
10 Şol gün Ýessäniň köki+ halklar üçin bellik kimin bolar+,
Milletler ondan maslahat sorar+.Onuň öýi şan-şöhratdan dolar.
11 Şol gün Ýehowa halkynyň aman galanlaryny Assiriýadan+, Müsürden+, Patrosdan+, Kuşdan*+, Elamdan+, Şyngardan*, Hamatdan we deňiz adalaryndan+ halas etmek üçin ýene-de, ikinji gezek elini uzadar.
12 Ol milletler üçin bellik diker we ýer ýüzüne dargan Ysraýyl ogullaryny bir ýere jemlär+. Çar tarapa dargan ýahuda halkyny ýygnar+.
13 Efraýym göriplik etmez+,Ýahudanyň duşmanlary ýok ediler.
Efraýymyň Ýahuda gözi gitmez,Ýahuda hem Efraýymy ýigrenmez+.
14 Olar günbatardaky piliştlileriň üstüne çozar*,Gündogar halklaryny bilelikde talar.
Edoma+ we Mowaba el galdyrar+,Ammonlary boýun egdirer+.
15 Ýehowa Müsür deňziniň aýlagyny* böler+,Ol derýa* el galdyrar+.
Gyzgyn demi* ýedi çeşmesini guradar*,Halky çarygyny çykarman içinden geçer.
16 Ol Ysraýylyň Müsürden çykan güni edişi ýaly,Aman galan halk+ üçin Assiriýadan şaýol çeker+.
Çykgytlar
^ Ýa-da: Ýehowadan gorkar.
^ Ýa-da: ruhy.
^ Sözme-söz: ýeri.
^ Sözme-söz: taýagy.
^ Ýa-da: az wagtlyk ýaşar.
^ Sözme-söz: semiz; bordaky mal.
^ Başga manysy: Ýolbars bilen göle bile otlar.
^ Ýa-da: saman.
^ Ýagny Efiopiýadan.
^ Ýagny Wawiloniýadan.
^ Ýa-da: gerşine gonar.
^ Sözme-söz: dilini.
^ Ýagny Ýewfrat derýasy.
^ Ýa-da: ruhy.
^ Başga manysy: ony ýedi çeşmä böler.
