Işaýa 35:1—10
35 Çöl we takyrlyk begener+,Düzlük şatlanar, zagpyran* deý gül açar+.
2 Ol hökman gülzarlyga öwrüler+,Şatlanar, begençden ýaňa aýdym aýdar.
Liwan ýaly şöhrat gazanar+,Karmel+ we Şaron+ kimin owadan bolar.
Olar Ýehowanyň şöhratyny,Hudaýymyzyň beýikligini görer.
3 Ysgyndan gaçan gollara,Sandyraýan dyzlara güýç-kuwwat beriň+.
4 Ýüreginde ünji bolanlara aýdyň:
«Mert boluň, gorkmaň!
Ine, Hudaýyňyz ar almaga geler.Allaňyz öç alar+.
Ol geler we sizi halas eder»+.
5 Şonda körleriň gözi açylar+,Kerleriň gulagy eşider+.
6 Agsaklar keýik kimin böker+,Lallar şatlanyp aýdym aýdar+.
Çölde çeşme-çaýlar akar,Düzde suwlar çogup çykar.
7 Gurak ýerler köl bolar, gamyş öser,Suwsuz toprakda çeşme-çaýlar şarlap akar+.
Şagallaryň mesgeni ýaşyl ota bürener+,Gamyş we gargy biter.
8 Ol ýerden şaýol geçer+,Oňa Mukaddes ýol diýerler.
Günäli adam ol ýoldan ýöremez+.
Diňe saýlananlar oňa gadam basar,Akylsyzlar aýagyny-da basyp bilmez.
9 Ol ýerde ýolbars bolmaz,Ýyrtyjy haýwan gezmez,
Olar asla görünmez+,Ol ýoldan diňe ýesirlikden azat bolanlar* ýörär+.
10 Ýehowanyň halas edenleri gaýdyp geler+,Begene-begene Siona barar+,
Tükeniksiz şatlyk olaryň täji bolar+.
Gapysynda toý-baýram bolar,Ýas we dady-perýat zym-zyýat bolar+.
