Mikaý 2:1—13
2 «Düşeginde duzak gurmak hakda oýlanýanlaryň,Päliýaman adamlaryň waý halyna!
Olar daň atanda niýetini amala aşyrýarlar,Sebäbi il-günüň ygtyýary olaryň elinde+.
2 Olar islän mellegini alýarlar+,Islän öýlerine eýe çykýarlar.Adamy aldap, öýüni elinden alýarlar+,Mirasdüşeri mirasyndan mahrum edýärler.
3 Şonuň üçin Ýehowa şeýle diýýär:
„Halkyň başyna betbagtçylyk indererin+,Gaçyp gutulmazlar+.
Indi tumşugyňyzy göge tutup gezmersiňiz+,Sebäbi heläkçilik güni geldi+.
4 Şol günlerde halklaryň dilinden düşmersiňiz,Olar siziň üçin agy aýdarlar+.
Olar: „Bizi taladylar!+Alla halkymyň paýyny alyp, ýat adamlara berdi.
Paýymyzy elimizden kakyp aldy+.
Melleklerimizi dönükleriň eline berdi“ diýer.
5 Ölçeg ýüpi bilen ýer paýlaryny ölçäp berjek adam,Ýehowanyň halkynyň arasyndan tapylmaz.
6 Olar: „Wagyz etmäň!Beýle zatlar hakda wagyz etmäň.Biz masgara bolmarys!“ diýýärler.
7 Eý Ýakup öýi, siz:
„Ýehowanyň sabyr käsesi doldumy?
Ol şeýle işleri edermi?“ diýenlerini eşitdiňizmi?
Meniň wadalarym dogruçyllaryň bähbidine dälmi?
8 Soňky döwür halkym maňa duşman boldy.
Söweşden gelýän esger ýalyArkaýyn geçip barýan ötegçileriňGöz-görtele şaý-seplerini, donuny sypyryp alýarsyňyz*.
9 Halkymyň gelinlerini asuda öýlerinden kowýarsyňyz,Çagalaryny meniň berekedimden mahrum edýärsiňiz.
10 Bar git, sebäbi bärde asudalyk ýok,
Ýurt haram boldy+, şonuň üçin heläkçilik,Uly heläkçilik iner+.
11 Şemaly kowalaýan, aldaw bilen ýaşap:
„Geliň, şerap, çakyr hakda wagyz edeýin“ diýýän adam,
Diňe şu halkyň wagyzçysy bolar+.
12 Eý Ýakup, men seni bir ýere jemlärin,Ysraýylyň aman galanlaryny ýygnaryn+.
Agyldaky goýun kimin,Öri meýdandaky süri kimin bir ýere toplaryn+.Ýurtda märekäniň sesi ýatmaz“+.
13 Halk diwary ýykýanyň yzyna düşer.Olar ýykylan diwardan geçip, derwezeden çykyp giderler+.
Olaryň patyşasy öňlerinden ýörär,Ýehowa olara ýol görkezer»+.
Çykgytlar
^ Başga manysy: donundan şaý-sepini goparyp alýarsyňyz.