Mikaý 6:1—16
6 Ýehowanyň sözüni diňlemegiňizi haýyş edýärin!
Turuň, dawaňyzy daglara aýdyň,Sizi depeler hem eşitsin+.
2 Daglar, ýeriň berk diregleri,Ýehowanyň arzyny diňläň!+Ýehowa öz halkynyň üstünden şikaýat edýär.Ysraýyl halkyna garşy arz-şikaýatyny diňläň+:
3 «Eý halkym, size näme ýamanlyk etdim?
Men size ýük bolar ýaly näme etdim?+
Aýdyň hany, meni nämede aýyplaýarsyňyz?
4 Men sizi Müsürden çykardym+,Gul bolan ýurduňyzdan azat etdim+.Siziň üçin Musany, Haruny we Merýemi+ iberdim.
5 Eý halkym, Ýehowanyň adalatly işlerini biliň!Mowap patyşasy Ballagyň guran hilesini+,Benur ogly Bilgamyň beren jogabyny+,Şitimden+ Gilgala+ barýan ýollarda bolan wakalary ýatlaň».
6 Ýehowanyň huzuryna näme alyp baraýyn?
Göklerdäki Alla sežde etmek üçin näme elteýin?
Birýaşar öküzleri getireýinmi?+Ýakma gurbanlygyny bereýinmi?
7 Müňlerçe goç getirsem,On müňlerçe çelek ýag sadaka bersem+,Ýehowa razy bolarmy?
Gozgalaň edenim üçin nowbahar oglumy,Günäm üçin bilimden önen perzendimi bereýinmi?+
8 Eý adam, Hudaý saňa nämäniň gowudygyny aýtdy.
Ýehowa senden nämä garaşýar?
Hudaýyň öňünde+ päliňi pes tutup+,Adalatly+ we wepaly bol!*+
9 Ýehowa şähere ýüzlenýär:(Paýhasly adamlar seniň adyňdan gorkar).
Temmi taýagyna serediň, ony bereni diňläň!+
10 Erbetleriň öýi henizem haram gazançdan dolumy?Kem ölçeýän çuwallary* barmy?
11 Meniň kem çekýän terezim bolsa,Torbamda kem çekýän daşlar bar bolsa, päk bolarynmy?+
12 Şäheriň baýlary zalymlyk edýär,Ilaty ýalan sözleýär+,Dilleri bilen hile gurýar+.
13 «Şonuň üçin seni urup ýaralaryn+,Günäleriň üçin weýran ederin.
14 Iýersiň, emma doýmarsyň,Garnyň hemişe aç bolar+.
Toplan zadyňy gorap bilmersiň,Ýygnanyňy duşman eline bererin.
15 Ekersiň, emma hasylyny ormarsyň,
Zeýtuny ýenjersiň, emma ýagyny ulanmarsyň,Täze şerap taýýarlarsyň, emma ondan içmersiň+.
16 Omranyň kada-kanunlaryny berjaý edýärsiň,Ahabyň ýigrenji işlerine eýerýärsiň+.
Olaryň öwüt-nesihaty bilen ýaşaýarsyň.Şonuň üçin seni gorkunç hala salaryn.Seni gören adamlar sykylyk çalarlar*+,Halklar seni masgara ederler»+.
Çykgytlar
^ Sözme-söz: wepaly söýgini söý!
^ Üstünden gülmegi ýa-da haýran galmagy aňladýan bolmaly.