Süleýmanyň aýdymy 2:1—17
2 Men sähranyň güli*,Gök deräniň çigildemi»+.
2 «Saýlanýar söýgülim gyzlardan,Çigildem deý tikenleriň içinde».
3 «Saýlanýar söýgülim ýigitlerden,Alma bagy deý jeňňel içinde.
Köňlüm küýsär saýasyn,Agzym küýsär miwesin.
4 Meni meýlishana getirdi,Söýgüsini ulus-ile ýetirdi.
5 Ýakyp ýandyrdy yşkyň,Alma, kişmiş+ iýdir, ýarym,Aram tapsyn şirin janym.
6 Sol golunda başym,Sag eli gujaklaýar bilim+.
7 Eý Iýerusalim gyzlary, ant içiň,Jerenlerden, sähra keýiklerinden+.
Kalbymda söýgi oýanýança,Mende duýgy döretmäň, birahat etmäň+.
8 Aşygymyň sesi eşidilýär!
Serediň, eziz ýarym gelýär,Dag-depelerden aşyp gelýär.
9 Ezizim dag goçudyr+, sugundyr,
Ine, aýnamyzdan bakýandyr,Penjireden* seredýändir,Aramyzda ýekeje diwar bardyr.
10 Söýgüli ýarym söz sözledi:
„Mähribanym, tursana,Aý bölegim, ýanym bilen gitsene!
11 Geçip gitdi gyşam*,
Diňdi ýagyşam.
12 Ine, açylypdyr meýdanda güller+,Gelip ýetdi agaç gyrkylýan günler+,Gumry owazyndan ganýandyr iller+.
13 Ilkinji miwesini berdi injir agajy+,Bark urýar güllän üzüm bagy.
Ýör gideli, mähribanym, tursana,
Aý bölegim, ýanym bilen gitsene!
14 Eý gumrym, kert gaýadan+,Gowaklardan uçup gel.Aý jemalyňy göreýin, hoş owazyňy eşideýin+,Ýakymlydyr sesiň, gözeldir keşbiň“»+.
15 «Üzüm bagymyz gülläpdir,Kowalap, tilkileri tut,Üzümi zaýalaýan tilkijikleri tut».
16 «Ezizim diňe meniňki, menem onuňky+,
Çigildemler+ içinde bakar malyny+.
17 Öwüsýärkä salkyn şemal, ýitmänkä kölege,Söwer ýarym, dolansana!Dag goçy+ hem sugun+ deý,Aýralyk dagyndan* aşyp gelsene.
Çykgytlar
^ Ýa-da: zagpyran güli; şafran güli.
^ Ýa-da: Gözenekli penjireden.
^ Ýa-da: ýagyş möwsümem.
^ Ýa-da: Beser daglaryndan.
