Süleýmanyň aýdymy 3:1—11
3 Gije ýatyrkam, aşygymy ýatladym+,
Näçe gözlesem-de, ýarymy tapmadym+.
2 Turaýyn, şähere aýlanaýyn,Köçelerde, meýdançalarda*,Köňül aşygymy gözläýin.
Näçe gözlesem-de, ýarymy tapmadym.
3 Şäher garawullary gördüler meni+.
Olardan soradym köňül aşygymy.
4 Olaryň deňinden geçen badyma,Duşdum men söýgüli ýaryma.
Tutdum goluny, basdym bagryma.Gitdik biz ejemiň öýüne+,Meni dünýä indereniň öýüne.
5 Eý Iýerusalim gyzlary, ant içiň,Jerenlerden, sähra keýiklerinden.
Kalbymda söýgi oýanýança,Mende duýgy döretmäň, birahat etmäň»+.
6 «Tozan turzup çölden gelýän nämedir?Bark urýandyr mürüň*, ladanyň* ysy,Täjirleriň satýan atyrynyň ysy»+.
7 «Ol Süleýmanyň paýtuny,
Daşynda altmyş batyr esgeri,Ysraýylyň gaýduwsyz ýigitleri+.
8 Ählisi gylyçly,Ökde söweşe.Gylyjy gynynda,Goraýar gijäň ýarynda».
9 «Süleýmanyň şa paýtuny,Liwan agajyndan ýasaldy+.
10 Sütünleri kümüşden,Diregleri altyndan,
Kürsüsi badam reňkli ýüňden.Iýerusalimiň gyzlaryBezedi içini söýgi bilen».
11 «Eý Sion gyzlary, geliň, serediň,Süleýman patyşa syn ediň.Patyşanyň bagt toýunda,Kalbynyň joşan gününde,Ejesiniň+ geýdiren täji bardyr başynda».
