Amos 5:1—27
5 «Eý Ysraýyl öýi, siziň üçin aýdýan agymy* diňläň:
2 „Ysraýyl gyzy ýykyldy,Indi ýerinden galyp bilmez.
Ony ýurdunda taşlap gitdiler,Ýerinden galdyrjak tapylmaz“.
3 Älemiň Hökümdary Ýehowa şeýle diýýär:
„Ysraýyl öýüniň üstüne betbagtçylyk iner.Şäherden söweşe müň adam çykar,Ýöne ýüz adam aman galar.Söweşe ýüz adam çykar, emma on adam aman galar“+.
4 Ýehowa Ysraýyl öýüne şeýle diýýär:
„Maňa dolanyň, halas bolarsyňyz+.
5 Beýtele+ barmaň,Gilgala+ gitmäň, Beýer-şeba+ geçmäň.Sebäbi Gilgal sürgün ediler+,Beýtel hiç zat bolup galar*.
6 Ýehowa dolanyň, halas bolarsyňyz+.Ýogsam ol Ýusup öýüni ýakyp kül eder.Beýteli ýandyrar, söndüren bolmaz.
7 Siz adalatsyzlyk edip,Halkyň durmuşyny ýowşan ýaly ajy etdiňiz.Adalaty aýak astynda basgyladyňyz+.
8 Ol Ülker ýyldyzyny*, Üç Ýyldyzy* ýaratdy+.Ol tümlügi ýagtylyga öwürýär,Gündizi gije kimin garaňky edýär+.Deňziň suwlaryny ýygnap,Ýer ýüzüne çabga ýagdyrýar+.Onuň ady Ýehowadyr.
9 Ol pälwany göz açyp-ýumasy salymda ýok eder,Galanyň üstüne betbagtçylyk inderer.
10 Siz şäher derwezesinde käýinç berýänleri,Hakykaty aýdýanlary ýigrenýärsiňiz+.
11 Siz garyba salgyt salýarsyňyz,Bergisi üçin hasylyny elinden alýarsyňyz+.Şonuň üçin oýma daşdan guran jaýyňyzda ýaşamarsyňyz+.Eken saýlama üzümiňizden şerap içmersiňiz+.
12 Siz ençeme gezek gozgalaň turuzdyňyz,Agyr günäleri etdiňiz.Siz dogruçyl adama köp azar berdiňiz, para aldyňyz,Şäher derwezesinde garyba adalatsyzlyk etdiňiz+.Men ähli eden zatlaryňyzy bilýärin.
13 Şonuň üçin heläkçilik döwri geler+,Şol döwürde düşünjeli adam dymar.
14 Eger erbetlik däl-de, ýagşylyk etseňiz+,Siz ýaşarsyňyz+.
Belki şonda: „Hudaý biziň bilendir!“ diýşiňiz ýaly,Serkerdebaşy Ýehowa, dogrudan-da, siziň bilen bolar+.
15 Erbetligi ýigreniň, ýagşylygy söýüň+,Şäher derwezesinde adalatly boluň+.
Belki, şonda Serkerdebaşy ÝehowaÝusup öýüniň aman galanlaryna rehim eder“+.
16 Ýehowa, Serkerdebaşy Ýehowa şeýle diýýär:
„Ähli adamlar şäher meýdançalarynda* aglarlar.Ähli köçelerde: „Waý halymyza!“ diýerler.
Daýhanlary matam tutmaga,Agyçylary agy aýtmaga çagyrarlar“.
17 „Her bir üzümçilikde ýas tutarlar+,Sebäbi men size jeza bermek üçin araňyzdan geçerin“.Muny Ýehowa aýdýar.
18 „Ýehowanyň gününi küýseýänleriň waý halyna!+
Ýehowanyň gününde size näme bolar?+
Ol gün garaňkylyk we tümlük bolar+.
19 Ýolbarsdan gaçyp, aýa duşan adamyň,Öýüne girip, diwara söýenende ýylan çakan adamyň ýagdaýy nähili bolsa, ol gün hem şeýle aýylganç bolar.
20 Ýehowanyň gününde ýagtylyk däl-de, garaňkylyk bolar,Yşyk däl-de, tümlük bolar.
21 Baýramlaryňyzy ýigrenýärin, olar ýüregimi bulaýar+.Uly baýramlarda berilýän gurbanlyklary halamaýaryn.
22 Maňa ýakma gurbanlyklaryny we sadakalary berseňiz-de,Olardan hoşal bolmaryn+.Parahatlyk gurbanlygy hökmünde berenSemiz mallaryňyzy kabul etmerin+.
23 Aýdym aýtmagyňyzy bes ediň.Men çeň* saz gurallaryň owazyny eşitmek islemeýärin+.
24 Goý, adalat derýa kimin aksyn+,Dogruçyllyk çeşme kimin şarlap aksyn.
25 Eý Ysraýyl öýi, çölde 40 ýyllapMaňa gurbanlyklar we sadakalar berdiňizmi näme?+
26 Indi eliňiz bilen ýasan ýyldyz butlaryňyz,Sakut we Kaýwan* butlaryňyz siziň bilen sürgün ediler.
27 Men sizi Damaskdan hem aňry sürgün ederin“+.Muny ady Serkerdebaşy Ýehowa aýdýar»+.
Çykgytlar
^ Ýa-da: agy aýdymymy.
^ Başga manysy: geň zada öwrüler.
^ Sözme-söz: Kesili.
^ Sözme-söz: Kimany.
^ Arfanyň bir görnüşi.
^ Olaryň sežde eden Sakut we Kaýwan butlary Saturn planetasyny aňladýan bolmaly.
