Amos 9:1—15
9 Men gurbanlyk ojagynyň* ýanynda Ýehowanyň durandygyny gördüm+. Ol maňa şeýle diýdi: «Sütünleriň depesine ur, goý, tutuş öý sarssyn. Sütünleriň depesini owrat. Men aman galan adamlary gylyç bilen öldürerin. Hiç biri gaçyp gutulmaz+.
2 Ýeri gazyp mazara* inseler-de,Ol ýerden çykararyn.Asmana galsalar-da,Aşak düşürerin.
3 Karmeliň depesinde gizlenseler-de,Olary agtaryp taparyn, ol ýerden alyp gaýdaryn+.
Menden gaçyp, deňziň düýbünde gizlenseler-de,Olary ýylana çakdyraryn.
4 Duşmanlary olary ýesir alyp gitse-de,Şol ýerde gylyç bilen öldürerin+.Olardan gözümi aýyrman,Ýagşylyk däl-de, ýamanlyk ederin+.
5 Älemiň Hökümdary,Serkerdebaşy Ýehowa ýurda* elini degrende,Bütin ýurt ereýär+, halky ýas tutýar+.Tutuş ýurt tolkun atýan Nil derýasy kimin howsala düşer,Müsüriň dolup-daşan Nil derýasy kimin bolar+.
6 „Ol basgançagyny göklerde gurdy,Ýeriň üstüni gümmez bilen örtdi.Deňziň suwlaryny ýygnap,Ýer ýüzüne çabga ýagdyrdy+.Onuň ady Ýehowadyr“+.
7 Ýehowa şeýle diýýär: „Ysraýyl halky!Siz meniň üçin kuşlular* ýaly dälmi?
Ysraýyllary Müsürden+, piliştlileri Kritden+,Siriýalylary Hirden+ çykaran men dälmi?“
8 „Men Älemiň Hökümdary Ýehowa,Gözümi günäli ýurtdan aýyrmaryn.Ony ýer ýüzünden süpürip taşlaryn+,
Emma Ýakubyň öýüni doly ýok etmerin“+.Muny Ýehowa aýdýar.
9 „Men buýruk berýärin,Ysraýyl öýüni bugdaý ýaly elekden geçirerin+,Ýekeje daş hem ýere gaçmaz.
10 „Heläkçilik inmez, golaýymyza-da gelmez“ diýýänler,Halkymyň günä edenleri gylyçdan öler“.
11 „Şol gün Dawudyň weýran bolan öýüni dikelderin+.Ýykylan diwarlaryny galdyraryn,Haraba öwrülen ýerlerini abatlaryn,Öňki günlerdäki ýaly täzeden guraryn+.
12 Şonda olar Edomyň+ aman galanlarynyň,Adymy göterýän milletleriň üstünden höküm sürerler“.Muny aýdýan Ýehowa hökman ýerine ýetirer.
13 Ýehowa diýýär: „Şeýle günler geler,Bol hasyl orlup ýetişmänkä, sürüm wagty geler.Üzüm sykylyp ýetişmänkä, ekiş möwsümi geler+.Daglardan hem baýyrlardanTäze şerap şarlap akar+.
14 Ysraýyl halkymyň ýesir düşenlerini yzyna getirerin+.Olar haraba öwrülen şäherlerini dikeldip, onda ýaşarlar+,Üzüm ekip, şerabyny içerler+,Baglar ekip, miwesini iýerler“+.
15 „Olary öz topragynda ekerin,Meniň beren ýurdumdan köki bilen sogrulmaz“+.Muny Ýehowa Hudaýyňyz aýdýar».
