Habakuk 1:1—17
1 Habakuk* pygambere görnüş* arkaly aýdylan habar:
2 Eý Ýehowa, haçana çenli jogap bermersiň?Haçana çenli perýat edeýin?+
Zalymlardan haçan halas edersiň?Haçana çenli senden kömek soraýyn?+
3 Erbetligi näme üçin görmeli bolýaryn?
Zulum-süteme näme üçin seredip durýarsyň?
Gözümiň alnynda zorluk-sütem bolýar,
Daş-töweregimde dawa-jenjel turýar.
4 Şonuň üçin kanun öz güýjüni ýitirdi,Adalat zym-zyýat boldy.
Erbetler dogruçyllary ezýär,Şonuň üçin adalat ýoýulýar+.
5 «Halklara serediň, ünsli serediň!
Haýran galyp, aňk-taňk boluň.Sebäbi siziň döwrüňizde şeýle wakalar bolar,Olar hakda eşideniňizde, öz gulagyňyza ynanmarsyňyz+.
6 Rehimsiz, çalasyn halky,Haldeýleri aýaga galdyraryn+.
Olar köp ýurtlary basyp almak üçin+,Ýer ýüzüne aýlanyp çykar.
7 Olar aýylgançdyr, gorkunçdyr.
Olar öz kanunlaryny, düzgünlerini girizer+.
8 Atlary alajabarsdan hem çakgandyr.Olar gijelerine awa çykan möjek ýalydyr+.
Söweş atlary uzak ýurtlary söküp,Badyny gowşatman çapyp geler.
Ol halk awuna topulýan bürgüt kimindir+.
9 Zalymlyk olaryň ganyna siňendir+.
Olar başyny birikdirse, gündogar tüweleýi kimindir+,Ýesirleri çäge ýaly üýşürýändir.
10 Olar patyşalary kemsiderler,Emeldarlaryň üstünden gülerler+.
Galalary hiç zatça görmezler+.Olar diwaryň ýanynda gum üýşürip, galany basyp alarlar.
11 Olar ýel kimin öwsüp, ýurduň içinden geçip giderler.Emma olara zalym işleri üçin jeza berler+.Sebäbi olar: „Taňrymyz güýç-kuwwat berýär“*+ diýýärler».
12 Ýehowa, sen gadymdan bäri barsyň!+
Mukaddes Hudaýym, sen hiç haçan ölümi datmarsyň*+.
Ýehowa, olary hökümleriňi ýerine ýetirmek üçin saýladyň.Arkadagym+, sen bize jeza bermek üçin olary bellediň+.
13 Seniň gözleriň erbetlige serederden päkdir.Sen erbetlige göz ýumýan dälsiň+.
Onda nädip hilegärlere çydaýarsyň?+Erbetler özünden gowurak adama azar berse,Sen nädip dymyp bilýärsiň?+
14 Adamlar balyk kimin tutulýar,Deňiz jandarlary kimin tora düşýär.Sen muňa näme üçin ýol berýärsiň?
15 Duşman* olary çeňňegi bilen tutýar,
Tory bilen awlaýar,Tory balykdan dolýar,
Ýüregi şatlykdan dolýar+.
16 Tory üçin sadaka berýär,Toruna gurbanlyk getirýär.Sebäbi toruna köp balyk düşýär,Saçagy näz-nygmatdan dolýar.
17 Ol haçana çenli toruny dolduryp-boşadyp durar?*
Milletleri haçana çenli zalymlyk bilen gyrar?+
Çykgytlar
^ Bagryňa basmak diýmegi aňladýan bolmaly.
^ Başga manysy: Güýjümize bil baglaýarys.
^ Başga manysy: biz hiç haçan ölmeris.
^ Ýagny haldeýler.
^ Başga manysy: gylyjyny gynyndan çykarar?
