Hyzkyl 27:1—36
-
Tiriň gark bolan gämileri hakda agy (1—36)
27 Ýehowa meniň bilen ýene-de gepleşdi:
2 «Ynsan ogly, Tir üçin agy* aýdyp+,
3 şeýle diý:„Deňiz derwezelerinde mekan tutan,Adalaryň halklary bilen söwda-satyk eden Tir,Älemiň Hökümdary Ýehowa saňa şeýle diýýär:
„Eý Tir, sen özüňe: „Men gözelleriň gözelidirin“ diýýärsiň+.
4 Sen deňziň jümmüşinde.Ussalar görküňe görk goşdy.
5 Sen gämi ýalydyň,Tagtalaryňy Seniriň+ arçalaryndan ýondular,Pürsüňi Liwanyň kedr agajyndan ýasadylar.
6 Kürekleriň Başanyň dub agajyndan ýonuldy,Seniň burnuň Kittim+ adalarynyň serwi agajyndan ýasalyp,Pil süňki bilen bezeldi.
7 Ýelkenleriň Müsüriň al-elwan reňkli zygyr* matasyndandy,Seniň bassyrmaň Alyşah+ adalarynyň gök ýüplüginden,Badam reňkli ýüňünden dokaldy.
8 Sidonyň we Arwatyň+ ilaty seniň kürekçileriňdi.
Eý Tir, seniň ökde deňizçileriň bardy+.
9 Gebalyň+ tejribeli*, ökde ussalary döwükleriňi bejererdi+.
Deňziň ähli gämileri we deňizçileri gelip söwda ederdi.
10 Pars, Ludym we Put+ ilaty seniň goşunyňdy, esgerleriňdi.
Olar galkanlary bilen tuwulgalaryny senden asardylar,Saňa şan-şöhrat getirerdiler.
11 Arwatyň batyr esgerleriDiwarlaryň her burçunda garawulçylyk ederdiler,
Edermen ýigitleri diňleriňde durardylar.Olar galkanlaryny diwarlaryňdan asyp,Görküňe görk goşardylar.
12 Ummasyz baýlygyňy+ görüp, Tarşyş+ seniň bilen söwda-satyk ederdi. Olar kümüş, demir, galaýy we gurşun berip, seniň harytlaryňy alardy+.
13 Ýawan, Tubal+ we Meşeh+ seniň bilen söwda edip, harytlaryň deregine gullary+, misden ýasalan zatlary bererdi.
14 Togarmah+ ilaty söweş atlaryny, bedewlerini we gatyrlaryny berip, senden haryt alardy.
15 Dedan+ halky hem seniň bilen söwda-satyk ederdi. Ençeme adalaryň halky seniň täjirleriňdi. Olar saňa pil süňküni+ we gymmatbaha gara agaçlary salgyt tölärdi.
16 Köp sanly harytlaryňy görüp, Edom seniň bilen söwda-satyk ederdi. Olar seniň harytlaryňa derek pöwrize daşyny, badam reňkli ýüňi, keşdeli al-elwan ýüpek matalary, merjen hem lagyl daşlaryny bererdi.
17 Ýahuda we Ysraýyl ýurdy seniň bilen söwda-satyk ederdi. Olar seniň harytlaryňa+ derek Minnit+ bugdaýyny we näz-nygmatlar, bal+, zeýtun ýagyny hem melhem ýagyny+ bererdi.
18 Köp sanly harytlaryňy we ummasyz baýlygyňy görüp, Damask+ seniň bilen söwda-satyk ederdi; seniň harydyňa derek Helbon şerabyny we Zahar ýüňüni bererdi.
19 Uzalyň Wedan we Ýawan welaýatlary seniň harytlaryňa derek demir, dalçyn, hoşboý ysly gamyş bererdi.
20 Dedan+ eýerlik atkeçelerini berip, senden haryt alardy.
21 Araplar we bütin Kedar+ baştutanlary seniň täjirleriňdi; olar saňa guzy, goç we geçi getirerdi+.
22 Şeba we Raýman+ täjirleri seniň bilen söwda-satyk ederdi. Olar harytlaryňa derek her dürli saýlama atyrlary, gymmatbaha daşlary we altynlary bererdi+.
23 Haran+, Kanneh, Erem+, Şeba+, Ashur+ we Kilmat täjirleri seniň bilen söwda-satyk ederdi.
24 Olar seniň bazarlaryňda owadan lybaslary, mawy reňkli donlary, keşdeli al-elwan matalary we dürli reňkli halylary satardylar. Olaryň ählisini berk daňyp goýardylar.
25 Hatar-hatar Tarşyş gämileri+ harytlaryňy daşardy.Deňziň ortasynda baýlygyň* dolup daşýardy.
26 Kürekçileriň seni deňiz jümmüşine alyp barar,Gündogar şemaly seni deňiz ortasynda kül-peýekun eder.
27 Seniň ýykylan günüň,Bar baýlygyň, harytlaryň, mallaryň,Gämiçileriň we deňizçileriň,Döwükleriňi bejerýän ussalaryň,Söwdagärleriň+ we ähli esgerleriň+,Sende ýaşaýan halk deňziň jümmüşinde gark bolar+.
28 Deňizçileriň ahy-nalasyndan kenardaky obalar titrär.
29 Ähli kürekçiler, deňizçiler we gämiçiler,Gämilerinden düşüp, kenarda durarlar.
30 Olar seniň üçin dady-perýat ederler+,Başyndan gum sowrup, kül üstünde oturarlar.
31 Saçlaryny syryp, jul* geýerler,Ajy hasratdan ýaňa zar-zar aglarlar.
32 Seniň üçin ýas tutup, agy* aýdarlar:
„Deňiz ortasynda Tir ýaly ümsüm ýatan barmy?+
33 Gämili gelen harytlaryň bilen köpleri begendirerdiň+.
Baýlygyň we harytlaryň bilenPatyşalarynyň döwletini artdyrardyň+.
34 Indi sen deňizde, suwuň düýbünde dargap ýatarsyň+.Bar baýlygyň we ähli halkyň seniň bilen gark bolar+.
35 Ähli adalaryň ilaty saňa geň galyp serederler+,Patyşalar gorkudan ýaňa sandyraşyp+,Ýüzleri ak tam bolar.
36 Dünýäniň täjirleri seniň halyňy görüp, sykylyk çalarlar*.
Seniň soňuň duýdansyz geler we gorkunç bolar.Sen ebedilik ýok bolarsyň“»+.
Çykgytlar
^ Ýa-da: agy aýdymyny.
^ Sözme-söz: ýaşuly.
^ Başga manysy: at-abraýyň.
^ Ýa-da: agy aýdymyny.
^ Üstünden gülmegi ýa-da haýran galmagy aňladýan bolmaly.
