E kē kitea nā tamāloa i te ata?​— Ko ki latou ko Mataio, Maleko, Luka, Ioane, Petelu, Iakopo, Iuta, ma Paulo. Ko nā tamāloa iēnei na ola i te taimi o Iehu, ma tuhi ni a latou tuhi e uiga ki a Iehu. Tatou akoako atili e uiga ki a te ki latou.

E toka tolu ki latou na kavea ma apohitolo na tālaki ma Iehu. E kē iloa pe ko ai te toka tolu?​— Ko Mataio, Ioane, ma Petelu. Na iloa lelei e Iehu nā apohitolo ko Mataio ma Ioane, ma tuhi e ki lāua ni tuhi e uiga ki te olaga o  Iehu. Na tuhi foki e Ioane he tuhi e takua ko te Fakaaliga ma ni tuhi e tolu e takua ko te Muamua Ioane, Lua Ioane, ma te Tolu Ioane. E lua nā tuhi na tuhi e te apohitolo ko Petelu e i te Tuhi Paia. E taku ko te Muamua Petelu ma te Lua Petelu. I tana tuhi tona lua, na tuhi atu Petelu i te taimi na talanoa vēia ia Ieova mai te lagi e uiga ki a Iehu: ‘Ko toku ataliki tēnei. Ko au e alofa ma mitamita ki ei.

Ko iētahi tamāloa i te ata e akoako ai ki tatou e uiga ki a Iehu i nā tuhi na tuhi e ki latou. He tahi o ki latou ko Maleko. Hōvē ko ia na i ei i te taimi na puke ai Iehu ma kitea nā mea na tupu. Ko he tahi ko Luka. Na kavea ia ma fōmai, hōvē na kavea ma he Kelihiano i te taimi na galo ai ia Iehu.

Iētahi tuhitala toka lua e kē kitea i te ata ko nā uho talavou ia o Iehu. E kē iloa o lā igoa?​— Ko o lā igoa ko Iakopo ma Iuta. Muamua, na heki talitonu ki lāua ki a Iehu. Na mafaufau vēia ko Iehu e valea. Kae mulimuli ake na talitonu ki lāua ki a Iehu ma kavea ma Kelihiano.

Ko te tuhitala mulimuli o te Tuhi Paia ko Paulo e kē kitea i te ata. Ka ko heki kavea ma Kelihiano, ko tona igoa ko Haulo. Na inoino ia ki nā Kelihiano ma hāuā lele ki a te ki latou. E kē iloa te mafuaga na fia kavea ai ia Paulo ma Kelihiano?​— I he tahi aho, nae malaga ai ia Paulo i te auala ma fakalogo ia ki he leo o he tahi e tautala mai te lagi. Ko Iehu! Na fehili ia ki a Paulo: ‘Aiheā e hāua ai koe ki nā tino e talitonu mai ki a te au?’ Mulimuli ake, na liua ia Paulo ma kavea ma Kelihiano. E 14 nā tuhi na tuhi e Paulo i te Tuhi Paia, ko te tuhi o Loma ke pa ki te Epelu.

E faitau e ki tatou te Tuhi Paia i aho uma, ni?​— E lahi nā mea e akoako ai ki tatou e uiga ki a Iehu, mai te faitau o te Tuhi Paia. E fia akoako atili koe e uiga ki a Iehu?​—