Na i ei te fanau a Atamu ma Eva, ma kua tokalahi ai nā tino i luga o te lalolagi. Na kaufakatahi iē tahi agelu ki te fouvalega a Hatani.

Na ōmamai ki latou ki te lalolagi ma liutino tagata ke avavaga ki fafine na fofou ki ei. Na fananau mai e nā fafine ni ataliki e tinokekehe, e hāuā ma malolohi.

Na tumu te lalolagi i nā tino e fai nā mea kino. E lea mai te Tuhi Paia: “Kua kino lahi lele nā tino i te lalolagi, ko nā manatu uma kua mafaufau ai i o latou loto kua nā ko te kino i nā aho uma lava.”

Na kavea ia Noa ma he tamaloa lelei. Na taku atu e Ieova ki a Noa, ka fakaumatia e ia nā tino kino e ala i he lolo lahi.

Na fakatonu foki e Ieova ia Noa ke fau he vaka lahi, ma kave ki loto tona kaiga ma nā manu uma.

Na lapatakia e Noa nā tino e uiga ki te Lolo ka pa mai, kae na heki fakalogo ki latou ki ei. Nae tauemu iē tahi tino ki a Noa; ka ko iē tahi na inoino ki ei.

I te umaga o te vaka, na kaumai loa e Noa nā manu ki loto.