E finagalo ia Ieova ke ki tatou iloa e fakatatau ki tona kaukaiga i te lagi. Ko te kaiga tenā e aofia ai na agelu, i e kua takua ko “atalii o le Atua.” (Iopu 38:7) Heā te kua takua i te Tuhi Paia e fakatatau ki na agelu? Ko heā te latou afiaga ki tagata? Pe ko agelu uma e aofia i te kaukaiga o te Atua?

1. Ko ai na agelu?

Na foafoa e Ieova na agelu ka ko heki faia te lalolagi. Ko ni agaga e i te lagi, e he kitea e ve lava ko ia. (Eperu 1:14) E faitau miliona ia agelu, ma e kehekehe uma o latou uiga. (Faaaliga 5:11) E ki latou “faataunuuina afioga [a Ieova], e ala i le faalogo atu i lona si’ufofoga.” (Salamo 103:20) I na aho anamua, na uga mai ai e Ieova na agelu ke kaumai ni fekau ke lagolago ma laveaki ona tagata. I na aho nei, e fakailoa e na agelu ki na Kelihiano na tino e fofou ke akoako e fakatatau ki te Atua.

2. Ko ai ia Satani ma ana temoni?

E iei na agelu e heki tumau te fakamaoni ki a Ieova. Ko te agelu muamua lava na fouvale ko te ‘ua igoa o le Tiapolo ma Satani, ua ia faasesēina le lalolagi atoa.’ (Faaaliga 12:9) Na fofou ia Satani ke pulea e ia ietahi. Ko te mafuaaga ia na ia fakaohoohoa ai te uluai tagata, mulimuli ake, ma ietahi agelu ke kau atu ki tana fouvalega. Ko na agelu fouvale e takua ni temoni. Na tuli kehe ki latou e Ieova mai te lagi ki te lalolagi, ma ka fakaumatia ki latou.—Faitau te Faaaliga 12:9, 12.

3. E vefea ona taumafai ia Satani ma ana temoni ke fakahehē ki tatou?

E fakahehē e Satani ma ana temoni te tokalahi o tagata e ala i na faiga fakatemoni, pe ko na faiga fakaagaga, te e taumafai ke fehokotaki ma na agaga. Mo he fakatakitakiga, e hakili atu ietahi tino ki na fetu, ko ietahi ki na tino vavalo, pe ko na faiga fakataulaitu. Ko ietahi e hakili atu ki na togafitiga ma na fofō e fehokotaki ki na faiga fakaagaga. Kua fakahehē foki ietahi tino ke talitonu e mafai ona talanoa atu ki na tino kua maliliu. Kae kua lapataki mai ia Ieova: “Aua tou te liliu atu i ē e sa’ili i agaga, aua fo’i tou te fesili atu i ē e vavalo i mea e tutupu.” (Levitiko 19:31) Kua ia kaumaia tenei lapatakiga ke puipui ai ki tatou mai ia Satani ma ana temoni. Ko ki latou ni fili o te Atua, ma e fofou ke fakahehē ki tatou.

 HAKILIKILI ATILI

6. Manumalo i te fakahagatau ki a Satani ma ana temoni

E pulea e Satani na temoni. Kae e takitaki e te agelu hili ko Mikaele, pe ko Iesu na agelu fakamaoni. Heā te lahi o te mana ei a Mikaele? Faitau te Faaaliga 12:7-9, ma talanoa na fehili ienei:

• Ko ai te hili atu tona malohi? Ko Mikaele ma ana agelu pe ko Satani ma ana temoni?

• Tau kikila e tatau ke matataku na hoko o Iesu ia Satani ma ana temoni?

E mafai koe ke manumalo i te fakahagatau ki a Satani ma ana temoni. Faitau te Iakopo 4:7, ma talanoa te fehili tenei:

• E vefea ona puipuia koe mai ia Satani ma ana temoni?

 OTOOTOGA

E fehoahoani na agelu fakamaoni ki a te ki tatou. Ko Satani ma ana temoni ni fili e o Ieova, ma e ki latou fakaaogā na faiga fakaagaga ke fakahehē ai ia tagata.

Fehili Autalu

• E vefea ona fehoahoani na agelu a Ieova ki tagata ke akoako e fakatatau ki a te ia?

• Ko ai ia Satani ma ana temoni?

• Aiheā e he fofou ai koe ke fai hau vaega i na faiga fakaagaga?