ABRIL 29, 2019
ARGENTINA
Sinimulan ang Pagtatayo ng Bagong Tanggapang Pansangay sa Argentina
Noong Agosto 2018, sinimulan ang pagtatayo ng isang bagong tanggapang pansangay sa Buenos Aires, Argentina. Magkakaroon ito ng isang office building na may 136 na workstation at dalawang residential building na may 98 kuwarto. Ang mga pasilidad ng kasalukuyang sangay ay nasa iba’t ibang lugar. Pero sa itatayong bagong sangay, pagsasama-samahin ang mga ito sa iisang istraktura kaya mas mapapabilis ang gawain. Makikita sa photo gallery sa ibaba ang pagsisimula ng konstruksiyon.
Ang lote ay 8,524 metro kuwadrado at nasa labas ng Buenos Aires, ang kabisera ng Argentina.
Agosto 2018: Ang design team, na binubuo ng 10 brother at sister, ay nagtrabaho nang 18 buwan para ihanda ang architectural plans.
Setyembre 2018: Gumagawa ng malalalim na hukay na pagtatayuan ng mga pundasyon. Dahil sa klase ng lupa rito, kailangang magbaón ng 103 pabilog na haligi sa lalim na 38 metro para lalong mapatibay ang itatayong mga gusali.
Nobyembre 2018: Isang crane na 33 metro ang taas (108 ft) ang ginagamit sa proyekto.
Nobyembre 2018: Kaligtasan ang priyoridad sa pagbuo ng crane at idiniriin ito sa lahat ng nagtatrabaho sa proyekto.
Enero 2019: Gumagamit ng mga heavy machine para mahukay ang paglalagyan ng mga elevator.
Marso 2019: Para lalong tumibay ang pundasyon, nilagyan ito ng mga bakal bago buhusan ng semento.
Magugustuhan Mo Rin
NEWS RELEASE
Update sa Pagtatayo ng Bethel sa Argentina
PROYEKTO SA PAGTATAYO
Photo Gallery 2—Pilipinas (Hunyo 2015 Hanggang Hunyo 2016)
Natapos ng mga Saksi ni Jehova sa Pilipinas ang isang malaking renovation project sa kanilang sangay sa Quezon City. Tingnan ang mga ginawa nila.
PROYEKTO SA PAGTATAYO
Mga Saksi ni Jehova—Nagkakaisa sa Pagtatayo
Magkakaiba man ang kanilang bansa, kultura, at wika, ang bayan ni Jehova ay nagkakaisa sa pagtatayo ng mga Kingdom Hall at iba pang gusali para sa kapurihan ni Jehova.