Simula Abril 28, 2024, binaha ang estado ng Rio Grande do Sul sa timog na bahagi ng Brazil dahil sa malakas na pag-ulan. Nagpatuloy ang malakas na pag-ulan sa loob ng ilang araw kaya nagkaroon ng malawakang pagbaha. Nahirapang lumikas ang marami dahil sa nasirang mga kalsada at mga tulay. Tinatayang mahigit 2.1 milyon ang apektado. Sa kasalukuyan, mahigit sa 125 ang iniulat na nawawala at di-kukulangin sa 147 ang namatay.

• Nakakalungkot, isang brother, isang sister, at isang may-edad na mag-asawa ang namatay

• 1,544 na kapatid ang inilikas

• 2 bahay ang nawasak

• 155 bahay ang nasira nang husto

• 483 bahay ang bahagyang nasira

• 3 Kingdom Hall ang nasira nang husto

• 10 Kingdom Hall ang bahagyang nasira

• Isang Disaster Relief Committee (DRC) ang inatasang tumulong sa mga kapatid sa naapektuhang lugar. Nagpunta ang mga miyembro ng DRC sa apektadong lugar para tumulong sa pamamahagi ng mga suplay at magbigay ng pampatibay-loob mula sa Bibliya

• Pinapatibay ng mga tagapangasiwa ng sirkito at lokal na mga elder ang mga kapatid na biktima ng sakuna at binibigyan sila ng praktikal na tulong

• Hinahanapan ng matutuluyan ng mga pamilyang Saksi na nasa mas ligtas na lugar ng bansa ang nagsilikas na mga kapatid

Habang nagpapatuloy ang baha at pagkawasak, dalangin natin na patuloy sanang maging ‘tanggulan sa panahon ng pagdurusa’ si Jehova ng ating mga kapatid sa Brazil.—Awit 37:39.