Matapos ang tatlong taon ng pagpaplano, paghahanda, at taimtim na pananalangin, sinimulan nang gawin ang seryeng Ang Mabuting Balita Ayon kay Jesus noong Biyernes, Mayo 20, 2022. Masayang-masaya ang team ng mga kapatid mula sa iba’t ibang bansa na nasa Australia para sa proyektong ito. Naroon sa okasyon si Brother Geoffrey Jackson ng Lupong Tagapamahala. Sinabi niya: “Nakakatuwang makita ang pananabik ng lahat para sa tinatayang 1,000-minutong video tungkol sa buhay ni Jesus. Tatagos ito sa puso at isip ng milyon-milyon.”