Mula noong Setyembre 11, 2024, nagdala ng matinding ulan at malakas na hangin ang Bagyong Boris sa mga bahagi ng Central Europe. Tumama ang bagyo sa gawing timog ng Poland noong Setyembre 12, kaya binaha ang maraming bayan. Umabot sa mga 20 sentimetro ang tubig sa mga lugar na ito nang wala pang 24 na oras. Nasira din ang mga imprastraktura dahil sa matagal at matinding pag-ulan, at libo-libo ang nawalan ng kuryente. Kinabukasan, Setyembre 13, umabot sa 50 sentimetro ang baha sa hilagang bahagi ng Czech Republic dahil sa Bagyong Boris. Dahil dito, nasira ang mga bahay, kalsada, at mga tulay.

Noong Setyembre 14 naman, maraming lugar sa Romania ang nakaranas ng rumaragasang baha na mga 25 sentimetro ang taas. Mga 5,000 bahay ang nasira at dalawang dam ang bumigay sa Galați County. Noong Setyembre 18, niragasa ng bagyong Boris ang hilagang bahagi ng Italy. Umabot nang 30 sentimetro ang tubig sa loob lang ng 48 oras. Dahil dito, umapaw ang mga ilog at daanan ng tubig.

Dahil sa malakas na bagyo, napilitang lumikas ang libo-libo sa apat na bansang ito, at di-kukulangin sa 19 ang namatay.

Czech Republic

• Walang namatay o nasugatan sa ating mga kapatid

• 79 na kapatid ang lumikas

• 12 bahay ang nasira nang husto

• 2 bahay ang bahagyang nasira

• 1 Kingdom Hall ang nasira nang husto

• 1 Kingdom Hall ang bahagyang nasira

Italy

• Walang namatay o nasugatan sa ating mga kapatid

• 63 kapatid ang lumikas

• 7 bahay ang nasira nang husto

• 21 bahay ang bahagyang nasira

• 1 Kingdom Hall ang nasira nang husto

• 4 na Kingdom Hall ang bahagyang nasira

Poland

• Walang namatay o nasugatan sa ating mga kapatid

• 87 kapatid ang lumikas

• 61 bahay ang nasira nang husto

• 85 bahay ang bahagyang nasira

• 2 Kingdom Hall ang nasira nang husto

• 8 Kingdom Hall ang bahagyang nasira

Romania

• Walang namatay o nasugatan sa ating mga kapatid

• 1 kapatid ang lumikas

• 2 bahay ang nasira nang husto

• 5 bahay ang bahagyang nasira

• Walang Kingdom Hall na nasira o nawasak

• Bumuo ng 6 na Disaster Relief Committee para tulungan ang mga biktima ng sakuna

• Pinapatibay at tinutulungan ng mga tagapangasiwa ng sirkito at lokal na mga elder ang mga naapektuhan ng pagbaha

Habang patuloy tayong nananalangin para sa mga naapektuhan ng malawakang pagbahang ito, nagtitiwala tayong maibigin silang aaliwin at tutulungan ni Jehova.—Isaias 40:11.