Matinding sinalanta ng bagyong Ian ang Cuba noong Setyembre 27, 2022, bago nag-landfall kinabukasan sa timog-kanluran ng Florida bilang Category 4 na bagyo. Isa ito sa pinakamalakas na bagyong tumama sa United States, na may lakas ng hangin na 240 kilometro kada oras. Winasak nito ang mga pamayanan at sinira ang mga kalsada at tulay. Nawalan ng kuryente ang maraming tao at binaha ang malalaking lupain habang tinatawid nito ang Florida palabas sa Atlantic Ocean. Muli itong nag-landfall sa South Carolina.

Mahigit 12,000 kapatid sa Florida ang lumikas o kinailangang ilikas.

Ang mga tagapangasiwa ng sirkito ay gumagawang kasama ng mga kinatawan ng Local Design/Construction para tulungan ang mga elder na ibigay ang mga pangangailangan ng mga biktima.

Cuba

• Nakakalungkot, 1 kapatid ang namatay

• 2 kapatid ang nasugatan

• 300 bahay ang bahagyang napinsala

• 491 bahay ang matinding napinsala

• 63 bahay ang nasira

• 40 lugar na pinagpupulungan ang matinding napinsala

• 1 lugar na ginagamit para sa asamblea ang bahagyang napinsala

• 3 lugar na ginagamit para sa asamblea ang matinding napinsala

Florida

• Walang kapatid na namatay sa bagyo

• 2 kapatid ang nasugatan

• 5,874 na kapatid ang lumikas

• 1,559 na bahay ang bahagyang napinsala

• 367 bahay ang matinding napinsala

• 47 bahay ang nasira

• 329 na bahay ang pinatatag para ligtas na tirhan

• 71 bahay ang kinumpuni

• 38 gusaling ginagamit ng mga Saksi ni Jehova ang bahagyang napinsala

• 1 Kingdom Hall ang matinding napinsala

• 1 Assembly Hall ang matinding napinsala

South Carolina

• Walang kapatid na namatay sa bagyo

• 35 kapatid ang lumikas

• 13 bahay ang bahagyang napinsala

• Dinalaw ng mga tagapangasiwa ng sirkito at lokal na mga elder ang naapektuhang mga pamilya at nagbigay ng praktikal na tulong

• 14 na temporary relief center ang inilagay sa evacuation area sa Florida para tulungan ang mga kapatid.

• Nag-atas ng mga Disaster Relief Committee sa Florida at Cuba para pangasiwaan ang relief work

• Sinunod ng lahat ng nakibahagi sa relief work ang safety protocol para sa COVID-19

Dahil sa pagtulong ng mga kapatid sa mga kapuwa mananamba nila sa panahon ng sakuna, naging totoo ang mga salita ng salmista: “Ang nagtitiwala kay Jehova ay napapalibutan ng Kaniyang tapat na pag-ibig.”​—Awit 32:10.