Noong Pebrero 27, 2023, hinatulan ng Yalta City Court of the Republic of Crimea si Brother Taras Kuzo at ang asawa niyang si Sister Darya Kuzo, pati sina Brother Sergey Lyulin at Petr Zhiltsov. Pinatawan si Darya ng tatlong-taóng suspended prison sentence. Hindi siya makukulong sa ngayon. Sinentensiyahan si Taras na mabilanggo nang anim at kalahating taon. Pareho namang sinentensiyahan sina Sergey at Petr na mabilanggo nang anim na taon at isang buwan. Ikinulong agad ang tatlong brother pagkagaling sa korte.

1. Marso 4, 2021

   Sinampahan ng kasong kriminal si Taras at inakusahan na naglalaan ng pondo sa isang ekstremistang organisasyon

2. Marso 11, 2021

   Ni-raid ang siyam na bahay ng mga Saksi ni Jehova, kasama na ang bahay ng mga Kuzo at ni Sergey. Inilagay si Taras sa temporary detention

3. Marso 12, 2021

   Pinalaya si Taras at inilagay sa house arrest, pero hindi siya pinahintulutang tumira kasama ng kaniyang pamilya

4. Hulyo 29, 2021

   Sinampahan ng kasong kriminal sina Darya, Petr, at Sergey. Si Petr ay inilagay sa temporary detention center

5. Hulyo 30, 2021

   Pinagsama ang mga kasong kriminal. Pinalaya si Petr at inilagay sa house arrest

6. Agosto 10, 2021

   Inaresto si Sergey at dinala sa pretrial detention na mga 800 kilometro ang layo. Sa 16 na oras na biyahe, ang mga kamay niya ay nakaposas sa isang baras na bakal sa ibabaw ng ulo niya at naka-tape naman ang mga paa niya sa upuan

7. Marso 1, 2022

   Pinalaya si Sergey mula sa pretrial detention at inilagay sa house arrest

8. Abril 4, 2022

   Nagsimula ang paglilitis

9. Hulyo 11, 2022

   Pinalaya sina Petr, Sergey, at Taras mula sa house arrest at pinagbawalang magbiyahe

Habang nasa kulungan, temporary detention, o naka-house arrest, baka madama ng tapat na mga lingkod ni Jehova na sila ay “nasusukol,” pero hinding-hindi iiwan ni Jehova ang mga pinag-uusig dahil sa kaniyang pangalan.—2 Corinto 4:8, 9.